Monofisismo

O monofisismo (d'o griego μονος, monos, "uno", e φυσις, physis, "naturaleza") ye una dotrina teolochica que sostién que en Chesús només ye present a naturaleza dibina, pero no a umana.

O dogma ortodocso d'a Ilesia Catolica sostién que en Cristo bi ha dos naturalezas, a dibina e a umana «sin deseparación» e «sin confusión», seguntes o Conzilio de Nizeya (325). Sin d'embargo, o monofisismo mantién que en Cristo trobamos as dos naturalezas, «sin deseparación» pero «confunditas», d'una traza que a naturaleza umana desaparixe, absorbita, en a dibina.

Ilesias monofistas

O conzilio de Nizeya no fue azeutato ni por as congregazions echipzias, ni sirianas, que orichinoron a Ilesia Ortodocsa Copta e a Iglesia Ortodocsa Siria

A més os nimbiatos armenios, que plegoron tarde a lo conzilio, tampoco no lo azeutoron amanexendo a Iglesia Apostólica Armenia.

A Iglesia Ortodocsa Malankara, a Iglesia ortodocsa etíope e a Iglesia Ortodocsa d'Eritreya tamién siguen dotrinas monofisitas.