Fusión nucleyar

Fusión nucleyar de tipo deuterio-tritio (D-T)

En fesica y quimica, a fusión nucleyaru nucliar ye o prozeso por o que dos nuclios atomicos s'aunen ta fer parte d'uno nuebo con mayor peso atomico. No s'ha de trafucar con a mena d'azident d'as zentrals nucleyars denominada "fusión d'o nuclio", que fa referenzia ta cuan a parte más "interna" (nuclio) d'o reactor nucleyar se funde, ye dezir se regala, como resultau d'a perda d'o suyo control y refricherazión.

O nuebo nuclio tien una masa menor que a suma d'as masas d'os dos nuclios fusionaus. Ixa esferenzia de masa ye librada en forma d'enerchía. A enerchía que se libra ye diferent en funzión d'os nuclios que s'aunen y d'o produto d'a reazión. A cantidat d'enerchía librada ye dada por a fórmula E = mc², an m ye a esferenzia de masa obserbada en o sistema (ye dezir, a esferenzia entre a masa dimpués d'a fusión y a masa antes d'as mesma) y "c" ye a belozidat de propagazión d'a luz en o buedo (300.000 km/s).

Os nuclios atomicos tienden á repeler-se porque son cargaus positibament, de traza que contra más amanaus sigan más fortal será a fuerza repulsiba. Pero tamién esayeix un atro prozeso: bi ha fuerzas nucleyars d'atrazión que son muit formals en distanzias muit chicotas. Isto fa que a fusión nomás se pueda dar en condizions de temperatura y presión muit grans que premitan compensar a fuerza de repulsión. A temperatura elebada fa que aumente l'achitazión termica d'os nucleyos, o que los puede lebar á lo efeuto túnel. Ta que isto escayeixca s'amenistan temperaturas de l'oren de millons de kelvins. O mesmo efeuto se puet produzir si a presión sobre os nuclios ye muit gran, aforzando-los á estar muit amanaus.

As nezesidaz menimas ta produzir a fusión se dizen Criterios de Lawson, y son criterios de densidat ionica y tiempo menimo de confinamiento nezesario.

A reazión de fusión más senzilla (ye dezir, a que requiere menos enerchía) ye a d'o deuterio y o tritio que se fusionan fendo elio.

A fusión nucleyar ye tamién o prozeso que se produz en as estrelas y que fa que brilen. Tamién ye uno d'os prozesos d'a bomba d'idrochén. Contrariament á la fisión nucleyar, no se ha puesto fer serbir a fusión nucleyar como meyo rentable d'obtener enerchía (ye dezir, que güé, a enercía que amenista o prozeso ye más gran que a obtenida por a fusión), encara que s'está imbestigando asabelo en ixa endrezera.

Beyer tamién

• Fesica nucleyar
• Química nucleyar
• Fisión nucleyar
• Reactor de fusión nucleyar

Binclos esternos

• Ciemat
• Fusión nuclear, la energía del futuro.
• Energía nuclear: el poder del átomo