L'Almozara

Destrito de L'Almozara

Monezipio	Zaragoza
Superfizie	528,58 etarias
Poblazión	25.767 abitans

L'Almozara ye un destrito de Zaragoza (Aragón). Muga con os destritos de Delizias, Zentro, Oliver-Baldefierro, Bicos Rurals Ueste, Casco Antigo e o río Ebro.

O destrito á más d'o bico de l'Almozara encluye a Urbanizazión Torres de San Lamberto.

Istoria

En o sieglo XI ya existiba en ista redolada una güerta a mán d'o Palazio de l'Alchafaría, en a parti esterior d'a muralla d'a ziudat. En un testo de 1143 de l'Archibo de lo Pilar menzionan un termino de Almuzara.

En 1898 s'establió en o bico una interpresa t'a fabricazión de azetos e femos. Tamién s'establió una estazión de mercaderías t'o tren.

Os primers abitans d'o bico treballaban en a fabrica. A plaza d'Europa ye un puesto d'intersezión entre tres destritos. O puen de L'Almozara premite autualment a comunicazión d'o bico con l'ACTUR. O primer puent en iste puesto yera un puen ferrobiario que iba dende a estazión d'o Portiello enta la Estazión d'o Norte.

Plaza d'Europa

Mugas

Plan d'o destrito

Seguntes os plans zensals d'o Conzello de Zaragoza as mugas d'o destrito son:

• Á lo norueste, con o destrito de Bicos Rurals Ueste muga l'A-2.
• Á lo noreste, o río Ebro en l'auguatuerta de Raniellas.
• Á l'este, con o destrito d'o Casco Antigo, mugan a Plaza d'Europa e o Paseyo de María Agustín.
• Á l'ueste, con o destrito Delizias mugan a parti trasera d'o Zentro Comerzial Augusta (aintro d'o destrito Delizias), a frontera d'a Estazión Delizias (aintro d'o destrito Almozara), a carrera Felisa Soteras, e l'Abenita de Madrid, e con o destrito Oliver-Bal de Fierro muga la Autobía de Logroño.