Legumbre

Tres tipos de lentellas

Simients de soya

Se diz legumbre (en aragonés meyebal legumen) a un tipo de fruito seco. Tamién se diz asinas a los lulos u simients comestibles que i crexen e maturan e a las plantas que en produzen.

Las legumbres son un grupo alimentario mui omochenio, formato por os fruitos secos d'as leguminosas, desembolicatos a partir d'o chinezeu con un unico carpelo e que s'ubre tanto por a sutura bentral como por o nierbo dorsal, en dos balbas e con as simients en una ringlera bentral. As tabiellas pueden estar rectas e carnosas. Por o cheneral tienen una carne interior toba, esponchosa, con traza de terziopelo e con color blanco. A suya parte interna corresponde a lo mesocarpo e a lo endocarpo d'o fruito.

A mida d'as legumbres ba dende un milimetro u poco més dica meyo metro. Lur forma, encara en a mayor parte d'os casos ye luenga e preta como en as chodigas, ye muito bariable.

Estos fruitos pertenexen a lo grant grupo de plantas d'a familia Fabaceae e a penar d'o grant lumero d'espezies d'esta familia, las que en minchan as presonas e o bestiar no son que poquetas espezies.