Blanca I de Navarra

Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

Blanca I de Nabarra estió una reina de Nabarra, naxita en belún lugar d'o reino de Castiella o 6 de chulio de 1387 y muerta en Santa María la Real de Nieva (güé probinzia de Segobia) l'1 d'abril de 1441.

Estió reina de Nabarra dede 1425 dica la suya muerte en 1441.

Orichens familiars

Blanca I de Nabarra yera filla de Carlos III de Nabarra y Lionor de Castiella, filla d'Enrique II de Castiella y Chuana Manuel.

Antis de plegar d'o tron

Seguntes a politica esterior d'o suyo pai, ta fer a paz con o reino d'Aragón, en 1402 Blanca casó con Martín I de Sezilia o Choben, rei de Sezilia, fillo y ereu de Martín I d'Aragón. O matrimonio estió, por poders, en a seu de Catania (Catania, Sezilia) o 21 de mayo de 1402. Cuando morío o suyo esposo en 1409, Blanca esdebenió a suya espondalera y rechió o reino de Sezilia dica 1415, en que regresó ta Nabarra dimpués d'a muerte d'a suya chirmana Chuana d'Ebreus, que yera dica a suya muerte l'eredera d'o reino de Nabarra.

O 28 d'otubre de 1416, en Olit, o suyo pai la nombró eredera d'o reino.

En 1420, Blanca fazió un segundo matrimonio, con o suyo primo segundo l'infante Chuan d'Aragón, que por iste matrimonio esdebenió rei de Nabarra con o nombre de Chuan II. Chuan yera chirmán d'o rei Alifonso V d'Aragón y fillo de Ferrando, y esdebenió rei d'Aragón á la muerte d'o suyo chirmán en 1458. O matrimonio se fazió per poders o 6 de nobiembre de 1419 en Oliet y o 10 de chunio de 1420 en presona en a seu de Pamplona (Pamplona).

Reina de Nabarra

Como o suyo esposo, encara que parti d'a nobleza nabarra no l'azeutaba, se proclamó rei de Nabarra, estió Chuan II d'Aragón quien mandaba en o reino, que quedó sozmeso á la politica que dictaban os intereses de Chuan y, dimpués, a la politica d'a Corona d'Aragón. Asinas, por a interbenzión de Chuan II en o reino de Castiella en 1428-1429, Nabarra perdió bellos territorios mugants con Castiella.

Suzesión

Dimpués d'a suya muerte en 1441 o suyo esposo s'apoderó d'o reino de Nabarra en detrimento d'os suyos fillos.

Matrimonios y fillos

D'o suyo primer matrimonio con Martín I de Sezilia o Choben, fillo de Martín I d'Aragón, bi abió á:

• Martín d'Aragón (1406-1407).

D'o suyo segundo matrimonio con Chuan II d'Aragón abió á:

• Carlos de Biana (1421-1461).
• Blanca d'Aragón (1424-1464), casata en 1440 con Enrique IV de Castiella.
• Alinor I de Nabarra (1424-1479), casata con Gastón IV de Foix, conte de Foix.

{{{títol}}} 1425 - 1441