Diferencia entre revisiones de «Río Cabriuel»
Sin resumen de edición |
no naxe en a Muela de San Chuan como dizen en a wikipedia en castellán |
||
Linia 6: | Linia 6: | ||
|cabal= 20.92 |
|cabal= 20.92 |
||
|cuenca= 4.754,2 |
|cuenca= 4.754,2 |
||
|naxedero= [[ |
|naxedero= [[Bal Longuiello]] e [[Bal de Cabrigüel]] |
||
|desembocadura= [[río Xúcar]] |
|desembocadura= [[río Xúcar]] |
||
|territorios= [[probinzia de Tergüel|Tergüel]], [[probinzia de Cuenca|Cuenca]] |
|territorios= [[probinzia de Tergüel|Tergüel]], [[probinzia de Cuenca|Cuenca]] |
Versión d'o 09:06 4 oct 2008
O río Cabrigüel (Cabriel en castellán) ye un río d'a peninsula Iberica, afluent d'o Xúcar. A suya cuenca mide 4754,2 km² o suyo cabal meyo ye de 20,92 m³/s y la suya longaria ye de 220 km.
Lugars por on pasa
Naxe ofizialment en un parache d'o termin de Bal Longuiello clamato Ojos del Cabriel, sin d'embargo se puet puyar por o cauz ta una zona más alta, on se troba o despoblato de Bal de Cabrigüel, a pocos kilometros d'o naxedero d'o Tajo.
Pasa por os pueblos de Zafrilla, Marquesado, Alcalá de la Vega (e 2 km entabaxo una auguatuerta pasa arredol l'antigo Castiello de Serriella), Enguídanos, Villatoya, Villargordo del Cabriel y Pajaroncillo, y s'une á lo Xúcar en a localidat de Cofrentes, toponimo que talment endique confluyenzia (CONFLUENTEM). Os suyos prinzipals afluents son o Guadazaón, o Ojos de Moya y L'Albara.
O cauz d'o río s'ha aprobeitato pa fer a muga entre a probinzia de Cuenca y a probinzia de Balenzia. Tien un entibo, l'entibo de Contreras, on se puet fer piragüismo. A suya orografía ye espectacular, destancando os Cuchiellos y as Fozes de lo Cabrigüel, on se puet fer rafting y piragüismo d'auguas blancas encara que nomás que en o periodo de sueltas de l'entibo de Contreras, dende chunio dica agosto.
Meyo ambient
En as suyas auguas i ha barbols, truitas arcoiris introduzitas, truitas comuns y loiras.
A mán d'o cauz suyo bi ha un parache natural doble, las Fozes de lo Cabrigüel, que ye parque natural en a parte balenziana y reserba natural en a parte cuencana.
Nome
Se clamaba Cabrihuel en castellán antigo y asinas s'escribe en testos meyebals d'Albarrazín d'o sieglo XIV; en catalán se diz riu Cabriol. Deduzimos doncas, que o nome orichinal no feba referenzia á las crabas y si que feba referenzia á lo zerbido que en latín se clama CAPREOLUS, y en catalán encara cabirol. O cambeo de sufixo -UEL por -IEL puet estar paralelo con o caso de Rubihuelos-Rubielos en Gúdar-Chabalambre.