Diferencia entre revisiones de «Orden de Cistels»

De Biquipedia
Contenido eliminado Contenido añadido
mejor, no hay otro Monasterio de Santes Creus
JAnDbot (descutir | contrebucions)
m robot Añadido: gv:Kistershee
Linia 52: Linia 52:
[[ga:Cistéirsigh]]
[[ga:Cistéirsigh]]
[[gl:Orde do Císter]]
[[gl:Orde do Císter]]
[[gv:Kistershee]]
[[he:נזירים ציסטרסיאניים]]
[[he:נזירים ציסטרסיאניים]]
[[hr:Cisterciti]]
[[hr:Cisterciti]]

Versión d'o 16:16 5 ago 2008

Escuto eraldico zisterziense.

La Orden de Zistels, Orden d'o Zister u abrebiando Zister, ye una orden relichiosa que fundó Roberto de Molesmes en 1098. Prene lo nome suyo de la badía franzesa de Zistels (en franzés moderno Cîteaux) o s'orichinó, que yera l'antiga Cistercium romana, a man de Dijon).

Lis deziban en la Edat Meya monches blancos por la color de lur habito, diferenziando-los de los monches negros, que eran los beneditins.

Istoria

Brazo e gayata típica zisterziense en losa de Abate en Badía de Boyle (Irlanda).

Estando Roberto abate de lo monesterio cluniazense de Molesmes, él y una colla de monches de la suya comunidat se proposoron tornar a la obserbanzia estreita de lo primitibo regle de San Benedet, qui en 540 fundó la Orden de San Benedet. Pa ixo debantó una nueba badía en Zistels, on los monches blancos dedicoron lurs bidas a lo treballo manual e a la contemplazión aszetica con egual d'enzerrinatos, posando en prautica lo lema beneditín Ora et labora.

Lo suyo suzesor, San Alberico, obtenió en 1100 lo reconoximiento de la nueba orden por parte de lo papa Pascual II que atorgó a lo monesterio lo “prebilechio román”, lo que equibaleba a posar-lo de chos la protezión de la Santa Seu; pero estió lo terzer abate, san Esteban Harding, qui en 1119 dio a lo Zíster un regle propio, la Carta de Caridat, en la que se establexeban las normas comunitarias de total pobreza, d'obedienzia a los bispes, de dedicazión al culto dibín con dexazión de las zenzias profanas, e atros estatutos de la orden. En 1113 ingresa como nobizio Bernal de Fontaine en unión d'una colla de familiars e amigos aplegatos en Châtillon. Cuando dos años dimpués l'abate Esteban dezide examplar l'ambito monástico con nuebas fundazions, debantando los zenobios de La Ferté, Pontigny, Morimond e Claraval (Campaña), imbió ta este zaguer a Bernal e la suya chent, en parte por las dotes que se beyeban en lo nuebo monche pa la direzión d'una badía como la que li encomandaban, y en gran parte tamién pa librar a Zistels de la prezencia de lo “clan” de los Fontaine, que eban preso una importanzia que podeba aber florito a beluns de los que i yeran enantes.

Ilesia de la Badía de Fontenay

San Bernal de Clarabal pegó un buen empentón a lo creximiento de la orden de Zistels, que en 1153 (38 años dimpués de la suya fundazión no més), teneba 343 monesterios. Destacaba lo treballo de los monches de Clarabal que n'eban creyatos 68. Estos monesterios gosaban asentar-los en las landas que trobaban, pero eban de tener augua abundant, (por exemplo en Escatrón teneban l'Ebro y en lo Monesterio de Piedra lo río Piedra). Los mesmos monches e chirmans combersos ixarticaban e cautibaban la tierra. Si en lo sieglo XI los monches de Cluñego eban preso un gran protagonismo dentro de la ilesia e ocuporon los cargos e dignidaz més alteros, tenendo influyenzia en lo poder zebil, en lo sieglo XII ixe paper lo prenioron los zisterzienses, que i tenió los suyos millors tiempos.


La Orden de Zistels en la Corona d'Aragón

En la Corona d'Aragón, las relazions entre la monarquía e la Orden de Zistels se remontan dica lo sielo XII, cuan Remón Berenguer IV de Barzelona, ye nombrato prenzipe d'Aragón y recurre a los monches zisterzienses pa que colonizen las tierras de Poblet. La familia Montcada en Santes Creus, e Berenguera de Zerbera en Vallbona de les Monges, siguirán los suyos pasos. Con Pero lo Zerimonioso un d'estos monesterios, lo de Poblet esdebinió panteyón reyal de los reis d'Aragón.

La Orden de Zistels en lo Reino de Nabarra