Ricardo Mur Saura

Ricardo Mur Saura, ye ombre de ra Montaña, antropologo y mosen, en a suya presona se achuntan muitos de ros rasgos de ras chens de ro Pirineo. Nazito en Zaragoza en 1962, anque criato durante ra suya nineza en Panticosa, estudió Machisterio, Filosofía y Teolochía, y Cheografía e Istoria. As suyas especialidaz son a relichiosidá popular, a arquiteutura romanica y a etnolochía. Como mosen, fa de parroco y capellán de muitos lugars y lugarons de ra redolata de Tierra de Biescas. Uei, tamién ye profesor de Relichión en o C.R.A. “Alto Gállego”, en a sección de l´I.E.S. “Biello Aragón”, y en a Escuela de Teolochía de l´Obispau de Chaca.

Ha publicato muitos libros: “O mundo de ro ninón... en Panticosa” (Zaragoza, 1981), “Geografía del voto a San lndalecio” (Chaca, 1991), “En torno a la Virgen de la Cueva” (Chaca, 1992), “Detrás de Uruel. Por los pueblos de Mosen Benito” (Zaragoza, 1996), “Con o palo y o ropón” (Chaca, 1996), "Montañas Profundas" (Uesca, 2002)... Ye autor, antimás, de muitas publicazions de conchunta con atros autors, asínas como de alredor de zincozientos articlos de temas d’arte, luengua, istoria y antropolochía en distintas rebistas y publicacions. Tamién ye autor d’una traduzión inedita de ro Nuebo Testamento n'aragonés panticuto. O zaguero libro publicato (2004) ye una nobela istorica clamata "Aquers tiampos tan enrebullatos".