Umberto Eco

Umberto Eco

Umberto Eco ( Alessandria, Piamont, Italia 5 de chinero 1932 ) ye un escritor, un semiotico e un filosofo italiano, famoso tanto por as suyas obras de fizión, destaca supre tot en o campo d'a nobela, como por os suyos tratatos de semiotica.

Biografía

Naxito á lo 5 de chinero de 1932 á la poblazión d'Alessandria en una familia de 13 fijos, estudió filosofía e Letras en l'unibersidat de Turín, an que se doctoró. Ha exerxito como profesor en barios zentros de prestichio e dende l'añata 1971 ocupa la catedra de semiotica á l'unibersidat de Bolonia. O reconozimiento d'o mundo de l'educazión superior fa que siga doctor onoris causa d'una treintena d'instituzions.

Estió denominato satrapa d'a patafisica por as suyas obras umoristicas, entre as que destaca Como biallar con un canguro, e por aber perfezionato una d'as suyas brancas, a cacopèdia.

Atras distinzions lo tralleron á estar miembro d'o Consello de Sabios de l'UNESCO. Rezibió l'añata 2000 o Pulse Prinzipe d'Asturias de Comunicazión e Umanidaz.

Ha triballato tamién á los meyos de comunicazión como difusor cultural. As suyas pasions se zentran en a Edat Meya, as lenguas e los clasicos. Curiosament, ye tamién un esperto en James Bond.

Obras más famosas

Nobelas

• O nombre d'a rosa (1980) - Nobela istorica que estió adaptata á lo zine e se combirtió en un superbendes. Mezcla os elementos d'intriga con l'erudizión mediebal e azerca l'epoca á lo present.
• O pendulo de Foucault (1988) - Obra que muestra cono tres triballadors d'una editorial se ben atrapatos en su propia fizión.
• L'isla d'o diya antes (1994) - Un noble d'o siglo XVII se be atrapato en un yate en un fuso orario e reflexiona supre lo paso d'o tiempo, l'atro e as combenzions.
• Baudolino (2000) - Nobela que esplica las abenturas d'un choben campesino adoptato por un emperador, estructurata de traza parexita á la nobela picaresca.
• A misteriosa llama (flama?) d'a Reina Loana (2004) - Un ome que pierdo a memoria intenta recuperarla, recreyando l'epoca de chubentud d'o propio autor.

Obras assachisticas

• Opera Aperta
• Diario minimo
• Kant e l'ornitorrinco
• Semiotica e filosofía d'o lenguaje
• Lo firmo
• Arte e polideza á l'estetica mediebal
• Os limites de l'interpretazión
• Seis paseyatas por os bosques narratibos
• Lector in fabula
• Apocaliptics e integratos
• Supre Literatura
• En busca d'a lengua perfeuta
• Istoria d'a polideza
• Istoria d'a lletjor

Enlazes esternos

• (es) Fundazión Prinzipe d'Asturias, Prinzipe d'Asturias de Comunicazión e Umanidaz 2000