Verdadera Ilesia de Chesús

Imachen:Danshui.jpg

Berdadera Ilesia de Chesús

A Berdadera Ilesia de Chesús ye una ilesia independién que fue establita en Pekín (China) en 1917. O predicador Yung-Ji Lin ye o presidén esleito d'a asambleya internazional d'ista ilesia. Bi ha alto u baxo 1,5 millons de miembros en seis continens. A ilesia forma parti d'a branca pentecostal d'o cristianismo que amanexió á prenzipios d'o sieglo XX. A ilesia tamién s'achunta con atras en a teolochía d'os Pentecostals Unizitarios (“Nomás Chesús”).

As zinco dotrinas prenzipals

As zinco dotrinas d'a Berdadera Ilesia de Chesús:

1. O Esprito Santo

A recullita d'o Esprito Santo, manifestata en a charra en luengas, ye a guaranzia d'o nuestro erenzio en o reino d'o zielo.

2. O baltismo

O baltismo en augua ye o sacramento ta la remisión d'os pecaus ta la rechenerazión. O baltismo debe reyalizar-se en augua corrién natural, como un río, o mar, u o mananzial.

3. O labato de piez

O sacramento d'o labato de piez premite á la presona tener una parti con o Siñor Chesús. Tamién sirbe ta remerar que se debe tener amor, santidá, umildá, perdón y serbizio.

4. A santa comunión

A santa comunión ye o sacramento ta remerar a muerte d'o Siñor Chesús. Nos premite partizipar d'a carne y d'a sangre d'o nuestro siñor y ser en comunión con er ta poder tener bida perén y rebilcar en o zaguer diya.

5. O sabado

O diya de retantida, o sieteno diya d'a semana (seguntes ista ilesia, o sabado), ye un diya santo, bendezito y santificato por Dios. Debe estar alufrato baxo a grazia d'o Siñor ta la remeranza d'a creyazión y salbazión de Dios y con l'asperanza de discanso perén en a bida esbenidera.

Enrastres esternos

• Berdadera Ilesia de Chesús (en castellán y anglés)

ak:Ỳesu Asafo Ankasaankasa