Val de l'Aragón

A Bal de l'Aragón ye una bal d'o Perineu aragonés dentro d'a Redolada d'a Chazetania en a parti norozidental d'a probinzia de Uesca (España).

Prene o suyo nome d'o río Aragón, que lo recorre de norte a sur y naxe cuasi en a muga con Franzia en os ibons de Truitas y Escalar en Astún, y encluye á los monezipios de:

• Canfrán
• Billanuga
• Castiello de Chaca
• Chaca

Ista bal tien tres mugas con Franzia, a Collera de Somport á 1640 m. d'altaria, o Tónel de Somport, con a suya cota á cuasi 1200 m. y más de 8 km. de largaria y a biella ferrobiaria d'o canfranero, que estió inagurato lo 18 de chulio de 1928 y trancau en 1970.

Forma parti d'a bía tolosana d'o Camín de Santiago cualo masimo esponén ye a Seo de Chaca antimás de contar con muitas ilesias y armitas romanicas.

En a suya cabezera se troban as estazións d'eslisadera de Candanchú y Astún lo que fa que siga o torismo a prenzipal y cuasi unica fuen d'ingresos y a suya masima altaria ye o Pico Collarada de 2886 m. d'altaria en Villanúa.