Diferencia entre revisiones de «Electronegatividat»

← Ir ta a edición anterior Ir t'a edición siguient →

Contenido eliminado Contenido añadido

En renglón

Versión d'o 11:42 25 set 2022

A electronegatividat ye una mesura d'a fuerza con que un atomo atraye a os electrons compartitos en un enlace atomico. Pende, sobre tot, en a enerchía d'ionización.

L'inverso d'a electronegatividat ye a electropositividat, ye decir, a estendencia d'un atomo a perder electrons.

En cheneral, as diferents valuras d'a electronegatividat d'os atomos determinan o tipo d'enlace que se formara en a molecula que los combina. Asinas, seguntes a diferencia entre as eletronegatividatz d'istos se puede determinar (convencionalment) si o enlace será, seguntes a escala de Pauling:

Ionico (diferencia mayor u igual a 2)
Covalent polar (diferencia entre 2 y 0.4)
Covalent no pas polar (diferencia menor de 0.4)

Aintro de cada periodo d'a Tabla periodica d'os elementos, a electronegatividat creixe de ezquierda enta dreita. En aumentar o numero atomico a carga nucleyar ye mas gran y as fuerzas nuclio-electron periferico son mas grans.

En cada grupo creixe de baixo enta alto. Como aumenta o numero atomico creixe o numero de libels. A distancia nuclio-electron periferico ye mayor y tamién o efecto pantalla, por ixo istas fuerzas electrostaticas son menors.

Escala de Pauling

A escala de Pauling la creyó Linus Pauling en 1932 y se fa servir amplament. En ista escala l'elemento más electronegativo (o fluor) tiene una valura de 4.0, y o menos electronegativo (o francio) tiene una valura de 0.7. Os atros elementos tienen valuras intermeyas. Dimpués d'o Fluor, os elementos mas eletrocnegativos son l'oxicheno (3,5); o cloro y o nitrocheno (3,0); o carbonio (2,5); l'hidrocheno y o fosforo (2,1)...

Escala de Mulliken

En a escala de Mulliken, as valuras s'obtienen fendo a meya entre o potencial d'ionización y l'afinidat electronica. Asinas, a escala de Mulliken s'espresa en unidatz d'enerchía, por un regular en electrón-volts.

Vinclos externos

Se veigan as imáchens de Commons sobre Electronegatividat.

@@ Linia 8: / Linia 8: @@
 * ''Covalent no pas polar'' (diferencia menor de 0.4)
-Aintro de cada [[periodo]] d'a [[Tabla periodica d'os elementos]], a electronegatividat creixe de cucha enta dreita. En aumentar o [[numero atomico]] a carga nucleyar ye mas gran y as fuerzas nuclio-electron periferico son mas grans.
+Aintro de cada [[periodo]] d'a [[Tabla periodica d'os elementos]], a electronegatividat creixe de ezquierda enta dreita. En aumentar o [[numero atomico]] a carga nucleyar ye mas gran y as fuerzas nuclio-electron periferico son mas grans.
 En cada [[grupo]] creixe de baixo enta alto. Como aumenta o numero atomico creixe o numero de libels. A distancia nuclio-electron periferico ye mayor y tamién o [[efecto pantalla]], por ixo istas fuerzas electrostaticas son menors.