Guerra Anglo-Zanzibariana

Plantilla:Batallas A Guerra Anglo-Zanzibariana estió una baralla entre o Reino Unito y Zanzíbar o 27 d'agosto de 1896. Con una durazión de 45 menutos, poseye o record d'a guerra más curta rechistrada en a istoria.

A guerra se desencadenó dezaga d'a muerte del Sultán Hamad bin Thuwaini o 25 d'agosto, qui yera presto á coperar con l'almenistrazión colonial britanica; o suyo primo Khalid bin Bargash prenió o poder por meyo d'un golpe d'estato. Debito á que os britanicos faborexían a l'atro candidato, Hamud bin Muhammed, con qui creyían que yera más fazil colaborar, ordenoron a Bargash abdicar. Bargash refusó y formó un exerzito con 2.800 ombres y o yate armato de l'anterior sultán, o H.H.S. Glasgow, que yera en o puerto. Mientres as tropas de Bargash yeran fortificando o palazio, a Marina Reyal reunió zinco naus de guerra en o puerto chunto á lo palazio (tres cruzeros mudernos: un cruzero acorazato de clase Edgar HMS St George, un cruzero protexito de clase pearl HMS Philomel, un Cruzero de clase Archer HMS Racoon; y dos Cargueros d'armas o HMS Thrush y o HMS Sparrow). Os britanicos tamién desembarcoron bellas compañías de Maríns Reyals ta aduyar á los "leyals" un exerzito de Zanzíbar, en total s'achuntoron 900 ombres en 2 barallons comandatos por o Cheneral Lloyd Mathews, un antigo tenién d'a Marina Reyal.

A pesar d'as esmaxinadas d'o sultán por negoziar a paz á trabiés d'o representán estatounitense en a isla, as naus d'a Marina Reyal ubrioron fuego contra o palazio en o maitín d'o 27 d'agosto, dimpués de que rematara l'ultimátum britanico á las 9 a.m. Con o palazio esboldregando-se denzima d'er y con muitos muertos, o sultán abió de retirar-se ascape á lo consulato alemán, an li'n otorgó asilo. O bombardeyo s'aturó á los 45 menutos, cuan o Glasgow se fundió.

Os britanicos desixioron á los alemans que entregaran á lo sultán, pero iste escapó á lo mar o 2 d'otubre. Bibió en o esilio en Dar es Salaam dica que estió cauturato por os britanicos en 1916 y esiliato á Mombasa, an murió en 1925.

Se beiga tamién

• A Guerra d'as Treszientas Trenta y Zinco Añadas, talmén a guerra más larga d'o mundo.

Enrastres esternos

• Artículo acerca de la guerra
• Descripción de la guerra en el Libro de Records Guiness