Tierra d'Ostavals

La Tierra d'Ostabals (Oztibarre en basco, Ostabares en castellán, Ostabarret en franzés e ipoteticament en oczitán gascón?) ye una redolata de lo este de la Baxa Nabarra con capital en Ostabals.

Cheografía

Ye situata en la cuenca alta de lo río Bidouze a lo sur de lo monezipio u comuna d'Uhart-Mixa. Muga a lo sur e surueste con Garazi, a l'este con Sola, a lo norte con lo País de Mixa e a lo norueste con Arberoa. Comprene los monezipios d'Arhansus, Bunus, Hosta, Ibarrolle, Juxue, Larceveau-Arros-Cibits, Ostabals-Asme, Pagolle e Saint-Just-Ibarre.

Istoria

Pertenexió a lo reino de Nabarra

Nome

Lo suyo nome (H)oztibarre bién de Hozta Ibarre (u ibar), sennificando Bal d'Hosta, que ipoteticament en gascón serba Ostavath lo lugar e Ostabarret la redolata, (la -LL- latina eboluziona ta -th final u -r- interbocalica sola, seguntes la fonetica gascona; lo latín vallis "bal" se dize vath en gascón). La forma Ostabarret con -rr- interbocalica doble serba una gasconizazión de lo basco Oztibarre.

En 1247 ya esisten las denominazions de Tierra de Mixa y Tierra d'Ostabals:

• a vos serviria con el castiello de Villanova e con toda la Tierra de Mixa é Dostabales

Asinas lo fillo de lo bizconte de Tartax, (bizconte que eba demandato protezión a Sancho lo Fuerte en 1196), reconoxeba basallache de Don Teobaldo I lo trobador por aber rezibito d'él Billanueba con tota la Tierra de Mixa e d'Ostabals.