Gayo Salustio Crispo

Gayo Salustio Crispo
O historiador román Gayo Salustio Crispo, en un gravato d'o sieglo XIX.
Información personal
Calendata de naixencia	1 d'octubre de 86 aC
Puesto de naixencia	Amiternum
Calendata de muerte	13 de mayo de 34 aC
Puesto de muerte	Roma
Ocupación	Historiador y politico
Conchuche	Terencia
Obras	De Catilinae coniuratione, Bellum Iugurthinum y Historiae

Gayo Salustio Crispo (en latín, Gaius Sallustius Crispus, 'gaː.i.us sal.'luːs.ti.us 'kris.pus), que gosa estar conoixito simplament como Salustio, estió un historiador y politico d'a Republica Romana, naixito d'Amiternum l'1 d'octubre de 86 aC y muerto en Roma o 13 de mayo de 34 aC.

Respective d'a suya carrera politica, encara que procedeba d'una familia d'orichen plebeyo, ocupó os cargos que gosaban ocupar os politicos romans d'ixas envueltas mientres o suyo cursus honorum: qüestor, tribuno d'a plebe y senador, estando dimpués forachitato d'o Senato de Roma. Mientres a Segunda Guerra Civil d'a Republica Romana, luitó a favor de Chulio César contra Cneu Pompeyo Magno, estando recompensato por César dimpués d'a suya victoria con a suya readmisión en o Senato, con o cargo de pretor y con o suyo nombramiento como gubernador d'a provincia romana d' Africa Nova. Albandonó a vida politica luego de l'asasinato de Chulio César.

Respective d'a suya obra historica, ye autor de tres obras prou conoixitas, De Catilinae coniuratione, Bellum Iugurthinum y Historiae, que se considera que son as establidoras d'a historiografía romana.

Vinclos externos

• Se veigan as imáchens de Commons sobre Gayo Salustio Crispo.