Šibenik

Šibenik
Localidat de Croacia
Anvista aeria d'a seu de Šibenik.
Estau  • Županija	Croacia Šibenik-Knin
Superficie	459 km²
Población  • Total  • Densidat	44440 hab. (1961) 101,03 hab/km²
Altaria  • Meyana	1 m.
Codigo postal	HR-22000
Coordenadas
Šibenik Šibenik en Croacia
Web oficial

Šibenik en crovate (Sebenico en italián), ye una ciudat crovata, capital d'a Županija de Šibenik-Knin. Antiparte, a ciudat de Šibenik ye una parte d'a rechión historica de Dalmacia, n'a costa oriental d'a Mar Adriana.

A suya población ye de 46.372 habitants (2011) en una superficie de 459 km², con una densidat de población de 101,03 hab/km².

Historia

Šibenik ye a sola ciudat de Dalmacia fundada por os crovates (encara que las excavacions feitas en o castiello de Sant Miguel amuestran que ya bi heba habitadors antes de l'arribada d'este pueblo eslavo). A primera mención con o nombre actual ye de 1066, en tiempos d'o rei. Petar Krešimir IV. Este rei tenió a suya seu en Šibenik, y por ixo a ciudat tamién ye conoixida como Krešimirov grad (ciudat de Krešimir).

En a guerra d'independencia crovata Šibenik estió scenario de combates entre l'Exercito Yugoslavo y os defensors crovates, que tamién yeran atacaus en lugars d'a redolada por os paramilitars serbos d'a cercana Krajina. Manimenos l'exercito crovate consiguió defender a ciudat y a suya redolada. Una estatua metalica en a carretera cerca d'a entrada d'a ciudat remera a primera vegada que l'exercito crovate consiguió fer cayer a tierra un avión yugoslavo. Os bombardeyos facioron grans desferras en edificios y molimentos, como en a Seu de Sant Chaime y en o teatro de 1870.

Naixitos famosos de Šibenik

• Roberto Ferruzzi, (1853-1934), pintor italiano.
• Dražen Petrović, (1964-1993), chugador de baloncesto.

Vinclos externos

• Se veigan as imáchens de Commons sobre Šibenik.

• Pachina web oficial municipal.