Diferencia entre revisiones de «Eslovenos»

← Ir ta a edición anterior Ir t'a edición siguient →

Contenido eliminado Contenido añadido

En renglón

Versión d'o 12:02 5 chun 2021

Os eslovenos son os habitants mayoritarios d'Eslovenia y forman una minoría important en Carintia (Austria) y en zonas mugants d'Italia. Charran una luenga eslava meridional, o esloveno y son catolicos.

Historia

Os eslavos s'estableixen en l'actual Eslovenia en o sieglo VII y quan os avaros dominaban Panonia se posan baixo protección d'os bayoarios. Se fa mención d'os eslavos que dimpués esdevendrán os eslovenos en a "Grant Cronica d'Espanya", compilación historica de Chuan Ferrández d'Heredia:

enel q(u)al t(iem)po arichis duch d(e) forouilio aplego gra(n)t ex(er)citu & fizo gra(n)t destructio(n) e(n)los esclauos & e(n) lur t(ie)rra clamada carmola. & destruyo todas las cosas de aq(ue)llos. Et como los esclauos corriese(n) subitam(en)t sobrel & el no(n) tuuiese su la(n)c'a q(ue) gela tenie un su escudero mas metio la ma(n)o ala maça & al p(r)im(er)o q(ue) deua(n)t le uino firio lo q(ue) fue muerto. en(e)l q(u)al t(iem)po el ex(er)citu d(e)los sarrazines e(n)tro ot(r)a uegada e(n) gallia & fizo gra(n)t destruct(i)o(n) (con)(tr)a los q(u)ales el rey karles ap(ar)ello batalla no(n) mucho lue(n)t d(e) narbo(n)a & los ui(n)cio & destruyo seg(un)t auie fecho la prim(er)a uegada.

Carlos Magno adhibió o territorio d'os bayoarios y tamién d'os eslovenos a lo Imperio, igual como se desvinió quan se formó o Sacro Imperio enta o sieglo X. A introducción d'o feudalismo carolinchio desconchuntó y desfació a organización tribal d'os bayovarios y os eslovenos.

A cristianización se fa dende l'arcebispau de Salzburgo y dende o patriarcato d'Aquileya. Dende l'anyo 1077 o patriarcato d'Aquileya se constituyó en estau dentro d'o Sacro Imperio, con territorios d'a costa hadriana y d'a peninsula d'Istria habitaus en part por eslovenos.

A fins d'o sieglo XIII os Habsburgo prenen o control d'o territorio d'os eslovenos: Carniola, Estiria, Carintia y zonas de Gorizia y Trieste. Encara que i habió protestantismo, a contrarreforma remató con él. En 1805 por o tractau de Presburgo, Napolión obliga a Austria a ceder-li Istria y Dalmacia, y en 1809 por o tractau de Viena obliga a Austria a ceder-li l'Alta Carintia, Carniola, Trieste y part de Croacia a lo sud d'o Sava. Con estos territorios y Ragusa forma as Provincias Ilirianas, con capital en Ljubljana. En as provincias ilirianas creixe a ideolochía d'o ilirismo.

En a primera Guerra Mundial os eslovenos yeran fidels a lo Imperio Austro-Hongaro pero en mayo de 1917 l'abate Korosec ye a favor d'a creyación d'un estau eslavo en o Imperio. En rematar a primera guerra mundial Korosec preside un Comité nacional en Zagreb con os crovates y os serbos d'Hongría y dos meses més tarde o rei de Serbia accepta a creyación d'o Reino de Serbos, Crovates y Eslovenos.

Hongría cede a lo nuevo reino a o districto de Mur (actual Prekmurje), habitau por eslovenos, en o tractau de Trianon.

En a rechión de Klagenfurt (Alta Carintia) o 10 d'agosto de 1920 a mayoría vota por unir-se a Austria.

En o tractau de Ramallo Italia obtién Istria y un territorio habitau por 400.000 eslovenos correspondient a las actuals rechions de Goriška, Istria Eslovena y territorios que mugants con estas rechions en l'actual Italia. Estos territorios constituiban a Venecia Chulia.

En a Yugoslavia d'entreguerras Eslovenia no yera una entidat autonoma pero o esloveno yera a luenga oficial d'a banovina d'o Drave. En o periodo faixista d'Italia Mussolini prebó d'italianizar a los eslovenos d'a Istria Eslovena y Goriška.

Por un tractau o 8 de chulio de 1941 eslovenia quedó dividida entre Alemanya y Italia, y o districto de Mur (Prekmurje) pasó ta Hongría. Quan en setiembre de 1943 capituló Italia o sud d'Eslovenia fue administrau por Alemanya, que prebó de rechermanizar bella ciudat forachitando a la población eslovena.

En 1946 o territorio habitau por os eslovenos adintro d'a Republica Federal Popular de Yugoslavia esdevinió a Republica Socialista d'Eslovenia, que incluyiba o districto de Mur (Prekmurje). Se creya atra muga con Italia (tractau de París de 1947) que adchudica a Eslovenia a val alta d'o Soncio y divide a ciudat de Gorizia. Trieste y a suya redolada son declaraus territorio libre (Territorio libre de Trieste) y no se resuelve a suya situación dica 1954. Una minoría eslovenia d'unas 50.000 presonas queda en Italia.

En tota a Republica Federal Popular de Yugoslavia, dimpués Republica Federal Socialista de Yugoslavia, Eslovenia yera a zona més rica, con mayor libel de vida y que contribuiba més a l'aduya federal a rechions menos desembolicadas. En o decenio de 1980 i heba tensión entre Ljubljana y Belgrado y en chinero de 1989 se creya en partiu politico no comunista (o primero en os países comunistas), y dimpués atros. En abril de 1990 i habió eslecions y ganó una coalición de centro-dreita, pero fue esleito president o comunista Milan Kuncan. En aviento de 1990 o 95 % d'os eslovenos votoron a favor d'a independencia.

Eslovenia independient

O 25 de chunio de 1991 fue proclamada a independencia, l'exercito yugoslavo intervinió pero no podió fer res y se retiró en verano.^[1] Alemanya reconoixió Eslovenia o 23 d'aviento de 1991 y os atros miembros d'a CEE o 15 de chinero de 1992. Eslovenia esdevinió miembro d'a ONU en abril. Actualment Eslovenia tien un rechimen democratico como qualsiquier país d'Europa Occidental y Central.

Referencias

↑ (es) Josep Palau El Espejismo yugoslavo. Ediciones del Bronce, 1996. pp. 75-90.

Bibliografía

(es) André Sellier, Jean Sellier: Atlas de los pueblos de Europa Central. Acento editorial, 1995.

[ESPEJISMO-1] (es) Josep Palau El Espejismo yugoslavo. Ediciones del Bronce, 1996. pp. 75-90.

[1]

@@ Linia 2: / Linia 2: @@
 |bandera = [[Imachen:Flag of Slovenia.svg|border|90px]]
 |imachen = [[Imachen:Tina Maze.jpg|69px]][[Imachen:Janez Drnovsek.jpg|74px]][[Imachen:Kocbek.jpg|70px]]
-|descripzión = [[Tina Maze]] · [[Janez Drnovšek]] · [[Edvard Kocbek]]
+|descripción = [[Tina Maze]] · [[Janez Drnovšek]] · [[Edvard Kocbek]]
 |pueblo = Eslovenos<br>''Slovenci''
-|poblazión = 3 millons
+|población = 3 millons
 |rechión1    =  [[Imachen:Flag of Slovenia.svg|22px|border]] [[Eslovenia]]
 |pob1       =  2.030.000
@@ Linia 13: / Linia 13: @@
 |idiomas = [[Idioma esloveno|Esloveno]]
 |relichión =
-|relazionatos = [[Pueblos eslavos]]
+|relacionaus = [[Pueblos eslavos]]
 |mapa = [[Imachen:Slovenian language map.png|230px|Tierras habitadas por os eslovenos]]<br>Tierras habitadas por os eslovenos
 }}
@@ Linia 37: / Linia 37: @@
 En o [[tractau de Ramallo]] Italia obtién [[Istria]] y un territorio habitau por 400.000 eslovenos correspondient a las actuals rechions de [[Goriška]], [[Istria Eslovena]] y territorios que mugants con estas rechions en l'actual Italia. Estos territorios constituiban a [[Venecia Chulia]].
 En a [[Yugoslavia]] d'entreguerras Eslovenia no yera una entidat autonoma pero o esloveno yera a luenga oficial d'a [[banovina d'o Drave]]. En o periodo faixista d'[[Italia Faixista|Italia]] Mussolini prebó d'italianizar a los eslovenos d'a [[Istria Eslovena]] y [[Goriška]].
 Por un tractau o [[8 de chulio]] de 1941 eslovenia quedó dividida entre Alemanya y Italia, y o districto de Mur ([[Prekmurje]]) pasó ta Hongría. Quan en setiembre de 1943 capituló Italia o sud d'Eslovenia fue administrau por Alemanya, que prebó de rechermanizar bella ciudat forachitando a la población eslovena.