César Augusto

César Augusto
Emperador d'o Imperio Román
Estatua de César Augusto en Zaragoza
Emperador d'o Imperio Román
27 aC - 14
Succesor	Tiberio
Nombre real	Cayo Octavio Turino (dende o suyo naiximiento dica a suya adopción por Chulio César en 44 aC); Cayo Julio César (dende 44 dica 27 aC); Cayo Julio César Augusto (dende 27 aC dica a suya muerte)
Naixencia	23 de setiembre de 63 aC Roma, Republica Romana
Muerte	19 d'agosto de 14 Nola, Imperio Román
Enterreco	Mausoleu d'Augusto
Consort	Clodia Pulcra (? – 40 aC) Escribonia (40 aC – 38 aC) Livia Drusila (38 aC- 14 dC)
Descendencia	Chulia a Mayor; Cayo César (adoptivo); Lucio Chulio César (adoptivo); Tiberio (adoptivo)
Dinastía	Chulio-Claudia
Pai	Cayo Octavio Turino; adoptau por Chulio César
Mai	Atia Balba Cesonia

Cayo Chulio César Octavio Augusto (Caius Iulius Caesar Octavianus, GAIVS•IVLIVS•CAESAR•OCTAVIANVS), César Augusto, Augusto u Octavio Augusto (Roma, 23 de setiembre de 63 aC - †Nola, 19 d'agosto de 14) estió o succesor de Chulio César y o primer emperador román con o nombre oficial de IMPERATOR CAESAR DIVI FILIVS AVGVSTVS.

Por decisión de César Augusto as provincias Tarraconense y Lusitania estioron provincias imperials.

Entre os anyos 7 y 2 aC Augusto remodeló a división d'Hispania que enantes heba ideyau. En a provincia Tarraconensis ideyó 7 conventos churidicos: convento Cartaginensis, convento Tarraconensis, convento Cluniacensis, convento Asturum, convento Lucensis y convento Cesaraugustanum. En a división territorial d'a peninsula iberica Augusto siguió, de bella traza, rechions naturals y cheopoliticas, fueras d'a Meseta, que la dividió en bellas partes.

O convento Cesaraugustano agafaba buena parte d'a val d'Ebro, sobretot a central, quasi tot o territorio aragonés, navarro, riochán, chicotas partes d'o País Vasco, Burgos, Leida, Soria y Guadalachara.

Remató a conquiesta d'Hispania con as guerras cantabras. Fundó a ciudat de Caesar Augusta con veterans d'ixas guerras en a marguin d'Ebro oposada a Salduie (actual Chuslivol).

A expansión territorial de Roma que empentaba Augusto fue aturada Chermania en os zaguers anyos d'a vida d'Augusto. En l'anyo 9 uns pocos queruscos mandaus por Arminio exterminoron tres lechions romanas mandadas por Publio Quinctilio Varo en a Batalla d'a Selva de Teutoburgo. Encara que Augusto ninvió a Tiberio y Druso a las tierras d'o Rin y tenioron ciertos exitos, l'anterior derrota remató con a expansión romana en Chermania.

Mencions en fuents aragonesas

Se fa mención de César Augusto en os textos tradueitos por a escuela de Johan Ferrández de Heredia.

Ihesu Christo cerca de L anyos, delos quales emperadores el primero fue Gayo Julio Cesar, el qual primerament priso el imperio singular et impero V anyos, al qual succidio Augusto. Et asi fue regida por XVI emperadores la monarchia del imperio, enel tiempo de Marcho Antonio por vno solo emperador, apres de Otavio ; et depues de Marcho Antonio entro al tiempo de Constantino se rigio el imperio a uegadas por vno solo, a uegadas por dos o por tres

Predecesor: -

Emperador de Roma 27 aC.-14

Succesor: Tiberio