Homoplasia

A homoplasia ye la presentación d'un mesmo caracter aparent en dos organismos vivos, sía porque descienden d'un antipasau común u sía d'antipasaus diferents. Una homoplasia en sentiu extenso ye, por eixemplo, a presencia d'alas en os animals voladors, dende es insectos dica os pterosaurios. L'adchetivo que deriva d'homoplasia ye "homoplasico".

As homoplasias pueden estar homolochías u analochías, en función, respectivament, de si i son porque existe un antipasau común que ya teneba o caracter obchecto d'estudio u porque o caracter s'ha desenvolicau secundariament por un proceso d'evolución converchent. Tamién puede dar-se una homoplasia porque exista efectivament un antipasau común en os dos organismos comparaus, pero que ixe no tenese o caracter estudiau en a suya forma final, sino en una forma primitiva (plesiomorfia) a partir d'a qual s'ha produciu un proceso de paralelismo evolutivo.

En l'analís filochenetico d'os organismos, a falta de tecnicas moleculars más efectivas que se tiene hoi ha feito, mientres buena cosa d'a historia d'a Biolochía, que os caracters morfolochicos estasen fundamentals y sobrevaluraus en a determinación d'as relacions fileticas d'os organismos. Una d'as principals causas d'error en a filiación d'organismos ha estau precisament emponderar masa as homoplasias, que por os diferents procesos pueden haber apareixiu, tot fendo entender que dos organismos podeban estar más amanaus la uno de l'atro de como en realidat son.

Eixemplos d'homoplasia

• 
  Euphorbia obesa
• 
  Astrophytum asterias

Se veiga tamién

• Plesiomorfia
• Apomorfia