Diferencia entre revisiones de «Xordica Editorial»
| Linia 59: | Linia 59: | ||
Establita en [[2011]], ye a más nueva, y ye pensata ta expublicar a obra en aragonés d'autors que no tuvon a suerte de veyer-se publicatos en vida, por no estar escritors profesionals, u porque os suyos escritos fuen destinatos a publicacions que a par d'alavetz os consideraban más dialectals y/u folkloricos que serios. |
Establita en [[2011]], ye a más nueva, y ye pensata ta expublicar a obra en aragonés d'autors que no tuvon a suerte de veyer-se publicatos en vida, por no estar escritors profesionals, u porque os suyos escritos fuen destinatos a publicacions que a par d'alavetz os consideraban más dialectals y/u folkloricos que serios. |
||
A colección se composa de hueito títols |
A colección se composa de hueito títols, y con ella s'ha espublicato a autors d'a «eclosión dialectal» de l'aragonés, costumbrista y rural, en os [[Sieglo XIX|sieglos XIX]] y primera metat d'o [[sieglo XX|XX]], como [[Cleto Torrodellas]] en aragonés ribagorzano u [[Leonardo Escalona]] en [[aragonés belsetán]]. |
||
== Referencias == |
== Referencias == |
||
Versión d'o 07:36 29 mar 2021
- Ista pachina tracta sobre a editorial Xordica. Ta las plantas con identico nombre, se veiga o chenero Urtica.
Plantilla:Infobox Interpresa Xordica Editorial ye una interpresa editorial aragonesa con seu en o municipio de Villanueva de Galligo (Comarca de Zaragoza), propiedat d'o editor y escritor aragonés Chusé Raul Usón. Ye constituita como Sociedat Limitata[1] y fue establita en 1994[2][3].
Se define como una editorial independient[3], y dende es suyos principios ha destacato lo suyo treballo con escritors novels[2] y obras que, d'unatra manera, trobarían dificultatz ta estar publicatas. Anque o foco principal d'a suya actividat ye a narrativa, tamién ha dato salita a numerosas obras sobre a luenga aragonesa, tanto escritas en o propio idioma como de divulgación y scientificas sobre ella en castellán.
Fuén pioners, d'entre as editorials aragonesas, en tener una pachina web bilingüe en aragonés y castellán.
Coleccions
Carrachinas
Fue a primer colección d'a editorial, establita en 1994 ta dar espacio a narrativa breve, relatos y cuentos[4]. Usón a describió, en 2011, como a «locomotera» d'a editorial[4][3] por a suya importancia en ventas y o numero d'obras espublicatas.
Chós d'ista coleción s'ha publicato a autors como Jesús Moncada, Juan Perucho y Javier Tomeo, pero tamién autors novels como Daniel Gascón, Cristina Grande y Fernando Martín Pescador. Aragoneses, d'a resta d'Espanya, y tamién extranchers.
Los Libros de la Falsa
Creyada tamién en 1994, se planteyó en as suyas oríchens ta dar-le cabita a lo que no cabeba en «Carrachinas»[4]: ensayos, biografías, articlos periodisticos, etc.
Con Los Libros de la Falsa s'ha expulicato a José Antonio Labordeta, a David Trueba, Antón Castro, Luis Alegre, etc. En l'actualidat, tiene más de 20 títols, y ha concabito y ha servito ta dar-le salita a, d'entre belatras cosas, publicacions sobre Aragón más amanadas a la etnolochía y as sciencias humanas, que malament hesen puesto estar publicatas por atros editors más comercials.
Xordiqueta
A colección infantil y chovenil d'a editorial. Contién obras orientatas as ninos y chovens, literatura ilustrata, y qualques obras premiatas. A tematica cheneral ye de biografías d'aragoneses ilustres, orientatas a os críos.
Simient negra
Colección totalment en aragonés. A creyón en 1997, ta poder espublicar a autors aragoneses actuals en luenga vernacla. O suyo libro más vendito ye Alredor d'a chaminera (2001), de José María Satué, con más de 1.000 exemplars[4]. El sigue O rafe d'o espiello (1997), d'Ánchel Conte.
Actualment (2015) tiene 24 títols espublicatos, totz en aragonés, y ye a principal y más activa colección en luenga aragonesa en o panorama literario. A suya importancia s'alazeta en que fa accesible a obra literaria contemporania en aragonés a o publico cheneral.
O suyo nombre dimana d'a dovineta altoaragonesa que diz «Campo blanco, simient negra. Cinco bueis y una rella.[4] Qué ye?», d'a qual a respuesta ye «a escritura», estando a simient negra la tinta.
S'ha expublicato baixo ista colección a autors maternos en luenga aragonesa como Elena Chazal (aragonés ribagorzano), Victoria Nicolás (aragonés cheso), Quino Villa (aragonés chistabín), en chunto con belatros en estándar aprendito, como Francho Nagore, Chusé Inazio Nabarro y o propio Chusé Raul Usón.
Chuan Ralla
Titulata en nombre d'a creyatura mitolochica aragonesa con a que s'espantaba a os críos, ye pensata ta dar conoixencia d'obras de literatura chovenil.
Quadernos Jean-Joseph Saroïhandy
Creyata en 2004, ha servito ta dar publicación a tractatos y ensayos d'a más pura filolochía y lingüistica sobre l'aragonés. Ye una colección fundamentalment adedicata a la divulgación scientifica, y contiene, d'entre belatras actuals, as obras más sinyaleras d'os primers investigadors de l'aragonés, como W.D. Elcock, Alwin Kuhn y o propio pinero de pioners, Saroïhandy, de qui dimana o nombre d'a colección.
Pirineus
Establita en 2011, ye a más nueva, y ye pensata ta expublicar a obra en aragonés d'autors que no tuvon a suerte de veyer-se publicatos en vida, por no estar escritors profesionals, u porque os suyos escritos fuen destinatos a publicacions que a par d'alavetz os consideraban más dialectals y/u folkloricos que serios.
A colección se composa de hueito títols, y con ella s'ha espublicato a autors d'a «eclosión dialectal» de l'aragonés, costumbrista y rural, en os sieglos XIX y primera metat d'o XX, como Cleto Torrodellas en aragonés ribagorzano u Leonardo Escalona en aragonés belsetán.
Referencias
- ↑ (es) Xordica Editorial en o portal empresia.com, consultato lo 21 de septiembre de 2015.
- ↑ 2,0 2,1 (es) Ficha en La Librería de Javier, consultata lo 21 de septiembre de 2015.
- ↑ 3,0 3,1 3,2 (es) Blog oficial de Xordica Editorial, consultato lo 21 de septiembre de 2015.
- ↑ 4,0 4,1 4,2 4,3 4,4 (an)(es) www.Xordica.com, web oficial d'a Editorial, consultata lo 21 de septiembre de 2015.