Castiello d'el Pueyo (Xiloca)

Lo Castiello d'el Pueyo estió un castiello situau cerca de Lo Pueyo (Xiloca) en l'actual Cerro de San Esteban. Fue construito a on que bi heba un chacimiento arqueolochico de lo periodo román y fue destruito en guerra con Castiella en ixas envueltas de Chaime II a zaguers de lo sieglo XIII. Fue reconstruiu por la Comunidat de Daroca enta 1404. Seguntes lo "Poema de Mío Cid" Rodrigo Díaz de Vivar bi acampó. Actualment bi podemos veyer los restos d'un torretón y han posau la estatura de Rodrigo Díaz de Vivar.

Historia

D'acuerdo con lo "Cantar de Mío Cid" lo pueyo a on que ye lo castiello estió un puesto d'acampada de Rodrigo Díaz de Vivar y los suyos seguidors:

Aquijó mio Cid, ivas cabadelant, y fincó en un poyo que es sobre Mont Real; alto es el Poyo, maravilloso e grant; non teme guerra, sabet, a nulla part.

Quiévoros dezir del que en buena cinxo espada: aquel poyo en el priso posada; mientras que sea el pueblo de moros e de la yente cristiana, el Poyo de mio Cid, asil dirán por carta.

Bell estudioso interpreta que este puesto estió pa lo Cid un punto fortificau estratechico dende a on que atacar u saqueyar poblacions de la redolada enta Molina d'Aragón, Daroca u mesmo la val de lo río Martín.

Lo "Fuero de Molina" de 1154 fa mención d'un Poyo de Mío Cid como una de las suyas mugas.

A Tagoenz, a Santa María de Almalaf, a Bestradiel, a Ga­liel, a Sisemón, a Xarava, a Cemballa, a Cubel, a la laguna de Allucant, al Poyo de Mío Cid, a Penna Palomera, al Puerto de Escoriola, a Casadón, a Ademuz, a Cabriel, a la laguna de Bernaldet, a Huelamo, a los Casares de García Ramírez, a los Almallones

La "Cronica de Sant Chuan de la Penya" fa eco de la mesma historia lechendaria sobre lo establimiento de lo Cid en un punto estratechico de lo Sistema Iberico, pero no lo nombra como un pueyo sino como una penya:

Et por esto lo ayró et vinose á meter en comanda del rey Don Pedro de Aragon; et dessi el dito Cit con trezientos caualleros vínose para las montañas de Cuenca et de Albarracin et fizo gran fuerça en vna penya que oy en dia la claman la Penya del Cit, et con ayuda del Rey Daragon et de Don Pero Ruiz Dazagra senyor de Albarrasin, el Cit prendió Valencia.

Lo 27 de marzo de 1281 lo encara infant Sancho de Castiella firmó un documento en Campillo (Soria) por lo que se comprometeba a entregar lo castiello de Poyo a lo rei d'Aragón:

Sepan quantos esta carta vyeren como yo Infante don Sancho fijo mayor e heredero del muy noble don Alfonso por la gracia de Dios Rey de Castilla, otorgo e prometo a vos don Pedro por la gracia de Dios Rey de Aragón que dare e entregare a vos o a quien vos querades sin ningún alongamiento, los castiellos del Poyo e del Ferrejón con terminos e derechos e sus pertinençiias e demas desto que vos dare e vos entregare todo el termino de Pozuelo que tovyeren omes vezinos daquellos lugares...

Este castiello no ye identificau con seguridat y Carlos Ayala Martínez opina que no debeba corresponder a garra castiello de lo Reino de Valencia.

Encara en un texto en latín de lo Liber patrimonii Regii Valentiae amaneix lo castra del Pueyo que lo rei de Castiella Sancho IV cedió u tornó a lo rei Pero III lo Gran en lo Tractau de Campillo de 1281, chunto con Ferrellón, Pozuel, y la Val d'Ayora:

In armario Valentiae a rivo Uxonis usque ad rivum Xucaris, ets cartha facta 28 marii Era 1319, cum qua infans Sancius, primogenitus Alfonsi regis Castellae, promittit restituere Petro, regi Aragonum, castra del Pueyo, et de Ferreron et terminum de Poçuel, et quod intra tres septimanas restituet regi vallem de Ayora et eius castra, quae sunt castrum et villa de Ayora, Palaciuelos, Teresa, Xarafull, Sarra, Xalonti et de Confluentes.

Lo castiello del Pueyo fue destruito quan una guerra contra Castiella en tiempos de lo rei Chaime II; la destrucción estió tan gran que en lo rei perdonó lo pago de la peita de 1297 a los habitants de lo Pueyo.

Actualment no quedan que los restos d'un torretón medieval.

Bibliografía

• (es) Cristóbal Guitart Aparicio: Los castillos turolenses Cartillas turolenses, 9. 1999.

Vinclos externos

• Envista actual d'a on que yera lo castiello