Ciencias socials

As sciencias socials son as sciencias u desciplinas scientificas que s'ocupan d'aspectos humanos d'o mundo, no estudeaus en as sciencias naturals. S'adedican a l'estudeo d'as manifestacions naturals y inmaterials d'as sociedatz. S'esferencian d'as humanidatz en que s'emplega o metodo scientifico y atras pmetodolochías rigurosas d'analís. Drento d'a clasificación d'as sciencias entre as sciencias d'a naturaleza y as sciencias d'o esprito, as sciencias socials bi son dentro d'istas zagueras.

A mayor parti d'as sciencias socigals no se miran de descrubrir leis d'alcance universal, sino entrepretar o sentiu de l'acción humana. Isto se fa prencipalment por meyo d'a comprensión d'as intencions subchectivas d'as presonas.

O prencipal grupo de sciencias socials encluye:

• Antropolochía
• Arqueolochía
• Economía
• Etnolochía
• Politica
• Psicolochía
• Sociolochía
• Urbanismo

A las que s'adiben:

• Cheografía humana
• Demografía
• Ecolochía humana
• Estatistica
• Psicolochía social
• Sciencias d'a Comunicación
• sciencias d'a Información
• Treballo Social

Atras desciplinas, consideradas por bell uns como parti d'as humanidatz, son:

• Historia
• Historia social
• Lingüistica
• Semiolochía
• Semiotica

Muitas d'as desciplinas d'iste grupo han teniu discusions epistemolochicas respecto a qué ye una sciencia, y si pueden ser consideradas como tals. En primeras, se prenió como modelo d'una sciencia social a la fisica y atras sciencias naturals. Sindembargo, con o tiempo s'ha identificau a particularidat de l'obchecto d'estudeo que ye a sociedat, que no se troba aintro d'os metodos y supuestos que estudean as sciencias naturals.