Sistema Solar

O Sistema Solar ye formato por un conchunto d'astros en orbita arredol d'o Sol, ligatos por a fuerza d'a gravedat, que se creyó a partir d'o colapso d'una gran boira molecular, fa bells 4,6 billons d'anyos alto u baixo. Seguntes as zagueras estimacions, o Sistema Solar se troba a bells 28 mil anyos luz d'o centro d'a Carrera de Sant Chaime.

O Sol y os planetas (en anglés)

O Sistema Solar n'a galaxia Carrera de Sant Chaime

Obchectos d'o sistema solar

Ye formato por una sola estrela dita Sol, que da nombre a iste Sistema; mas ueito planetas que orbitan arredol d'a estrela: Mercurio, Venus, a Tierra, Marte, Chupiter, Saturno, Urano y Neptuno; amás d'un conchunto d'atros cuerpos menors: planetas nanas (Plutón, Eris, Makemake, Haumea, Sedna y Ceres), asteroides, lunas, cometas... asinas como lo espacio interplanetario entre totz ells.

Planetas

Planeta	Diametro equatorial*	Diametro equatorial (km)	Masa*	Radio orbital (UA)	Periodo orbital (anyadas)	Periodo de rotación (diyas)	Incl.**	Sat.***	Composición de l'atmosfera
Mercurio	0,39	4878	0,06	0,39	0,24	58,6667	7°	0	Trazas de hidrochén y helio
Venus	0,95	12100	0,82	0,72	0,615	243	3,4°	0	96 % CO2, 3 % nitrochén,0.1 % augua
Tierra	1,00	12756	1,00	1,00	1,00	1,00	0°	1	78 % nitrochén, 21 % oxichén, 1 % argón
Marte	0,53	6787	0,11	1,52	1,88	1,03	1,9°	2	95 % CO2, 1.6 % argón, 3 % nitrochén
Chupiter	11,2	142984	318	5,20	11,86	0,414	1,3°	63	90 % hidrochén, 10 % helio, trazas de metano
Saturno	9,41	120536	95	9,54	29,46	0,426	2,5°	61	96 % hidrochén, 3 % helio, 0.5 % metano
Urano	3,98	51108	14,6	19,19	84,01	0,718	0,8°	27	84 % hidrochén, 14 % helio, 2 % metano
Neptuno	3,81	49538	17,2	30,06	164,79	0,6745	1,8°	13	74 % hidrochén, 25 % helio, 1 % metano

* O diametro y masa s'expresan en relación a la Tierra   ** Inclinación d'orbita (en relación con l'ecliptica)   *** Satelites naturals

Formación

O sistema solar se formó fa 4568 millons d'anyos por o colapso gravitatorio d'una parti d'una boira molecular chigant. Ista boira primichenia teneba quantos anyos luz de diametro y prebablement dio a luz a quantas estrelas. Como que ye normal en as boiras moleculars, consistiba prencipalment de hidrochén, bella mica de helio y chicotas cantidatz d'elementos pesaus surtius de previas cheneracions estelars. A medida que a rechión, conoixida como que boira protosolar, se convertiba en o sistema solar, colapsaba y a conservación d'o momento angular fació que rotase mas aprisa. O centro, an s'acumuló a mayor parti d'a masa, se tornó cada vegada mas calient que o disco circumdant. A medida que a boira en contracción rotaba mas aprisa, prencipió a aplanarse en un disco protoplanetario con un diametro d'arredol de 200 UA​ y una densa y calient protoestrela en o suyo centro.​ As planetas se formoron por acreción a partir d'iste disco​ en o qual o gas y o polvo atraitos gravitatoriament entre ell s'unen pa formar cuerpos cada vegada mas grans. En iste escenario, cientos de protoplanetas podrían haber surtiu en o temprano sistema solar que acaboron fusionondose u estioron destruius deixando as planetas, as planetas nanas y a resta de cuerpos menors.

Atros sistemas solars

Se conoixen tamién atros 2,970 sistemas planetarios (a 1 de febrero de 2019) orbitando arredol d'atras estrelas. En 653 de ells, se conoixen dos u mas exoplanetas.

Vinclos externos

• Se veigan as imáchens de Commons sobre Sistema Solar.
• (en) Información d'o Sistema Solar.