Basket Zaragoza 2002

Iste articlo ye sobre o club de baloncesto Basket Zaragoza 2002 con o nombre comercial de CAI Zaragoza dende l'anyo 2002 dica 2016. Ta atros usos se veiga CAI Zaragoza.

O Basket Zaragoza 2002, más conoixito como Casademont Zaragoza por motius de patrocinio, ye un club de baloncesto aragonés d'a ciudat de Zaragoza, establito en l'anyo 2002. En l'anyada 2020-21 chuga en a liga ACB, a Liga Femenina y en a Basketball Champions League. O suyo pavillón ye o Prencipe Felipe.

Nombres Comercials

2002-2016. CAI Zaragoza. 2016-2019. Tecnyconta Zaragoza. 2019-hue. Casademont Zaragoza.

Historia

CAI Zaragoza (2002-2016)

Un grupo d'interpresarios fundó o club en 2002 t'o mercar a plaza d'o Club Basquet Coruña, equipe que chugaba en a Liga LEB Oro. O baloncesto tornaba a Zaragoza anyos dimpués que as dificultatz economicas fundioron a o Club Baloncesto Zaragoza. Nuevament contó con o patrocinio d'a Caja de Ahorros de la Inmaculada (hue perteneixient a o grupo bancario Ibercaja Banco), por o que l'equipo recuperó l'antigo nombre CAI Zaragoza.

Manimenos os primeros trangos no resultoron brenca facils. En a primera anyada l'equipo luitó dica o final por no perder a categoría. Uns complicaus playoffs contra o Club Baloncesto Ciudad de Huelva salvoron a l'equipo. Contra tot pronostico, a feta se repitió, sosprendentement, en l'anyada siguient... pero a o revés. Os zaragozanos ganoron a Copa Prencipe d'Asturias (con un estelar Matías Lescano) y que se quedoron a cinco menutos de puyar a la maxima categoría. O Club Baloncesto Granada desfació as ilusions de l'equipo royo en os zaguers menutos d'o partiu final d'os playoff.

Dimpués plegó una decepción en a Copa y quantas puyatas fallitas, dos d'ells con un cruel desenlaz. O Club Baloncesto León privó d'a puyata a os aragoneses en dos ocasions. Una d'ellas, de traza increyible, dimpués de remontar un playoff que en Zaragoza ya se daba por ganato. O tercer verduco d'os royos en un playoff estió o Club Baloncesto Murcia, quan l'equipe perdió en o suyo pavillón en a prolarga d'a zaguera trobada por a puyata.

En verano de 2007, Javier Loriente, qui heba estau president d'o club entre os suyos cinco anyos d'existencia, renuncia a o suyo puesto dimpués de no obtener l'obchectivo d'a puyata a o maximo libel d'o baloncesto espanyol, a Liga ACB, y ye sustituyito por Reynaldo Benito, que heba formau parti d'o consello d'administración d'o club dende o suyo establimiento. En ista anyada s'aconseguiría a soniata promoción a la Liga ACB, gracias a un cambeo d'a normativa que permitiba puyar dreitament a o ganador d'a fase regular d'a competición.

A primera temporada de l'equipo zaragozano en a élite s'encetó con a Supercopa d'Espanya que disputaba o quadro aragonés en calidat d'anfitrión, competición que acabaría ganando o Saski Baskonia en una preta final con o conchunto royo. En a Liga ACB a esquadra zaragozana remató en zaguer puesto, estando relegatos un anyo dimpués de tornada a LEB Oro.

A baixata suposó una renovación en a dirección tecnica con Willy Villar a o mando y estando l'aragonés José Luis Abós o tecnico trigau pa tornar a l'equipo a la categoría tresbatida l'anyada anterior. En a primera anyada con l'entrenador zaragozano a o frent s'aconsigue a puyata directa y de par de as siguients anyadas en a Liga ACB aconsigue mantener a categoría.

En abril de 2013, os royos acreixioron a suya historia en clasificar-se por primera vegada para os playoff por o titol. Y un mes dimpués, l'equipo se clasificó por primera vegada pa as semifinals d'a Liga ACB. Eliminó a o Valencia Basket, en una epica remontada con tres prolargas. D'ista traza, tamién aconsiguió clasificar-se por primera vegada en a suya historia pa a desputa d'a Eurocup.

En a siguient anyada, o conchunto zaragozano mantenió a solidez d'o suyo bloque, pese a que o presupuesto s'estió reducindo progresivament. Debutó en Europa, aconseguindo superar a primera ronda, contra rivals de Berlín y Bonn (Alemanya), Mons (Belchica), Roma (Italia) y Dunkerque (Francia). Dimpués d'o suyo trunfo en a primera ronda, pasó a una segunda fase en a qual luitó contra equipes d'Estambul (Turquía), Vilnius (Lituania) y Zagreb (Croacia). Pero dició adiós a las suyas aspiracions europeas en cayer en o zaguer segundo d'o zaguer partiu contra l'equipo turco Beşiktaş en una historica trobada en o Palacio d'os Esportes de Uesca.

Manimenos, a cansera d'as dos competicions, sumau a un buen fer en a Copa d'o Rei (venció en quartos de final a l'anfitrión, l'Unicaja de Málaga), afeutó a l'equipe. Aconsiguioron repetir a clasificación para os playoff pero perdió a suya participación europea.

Tecnyconta Zaragoza (2016-2019)

Poco antis de l'inicio de l'anyada 2016-17 s'anuncia a incorporación d'un nuevo patrocinador prencipal pa o club, por o que o primer equipo encomienza a clamar-se Tecnyconta Zaragoza. Dimpués d'aconseguir privar a baixata de categoría en a zaguera chornada, o club anuncia a no renovación de l'entrenador prencipal, Luis Guil.

L'anyada 2017-18 empecipia con Jota Cuspinera en o banquet. Mientres l'anyada l'equipo tien una serie de baixas, dentre ellas a surtida d'o base Sergi García a o Valencia Basket y a lesión d'o maximo anotador d'ixa anyada en a liga, Gary Neal. Os malos resultaus fan que se determina rescindir o contracto de Cuspinera, deixando a cargo de l'equipo a Pep Cargol y Sergio Lamúa. L'equipo se refuerza con quantas nuevas encorporacions (Xavi Rey, Dylan Ennis, Milko Bjelica) y aconsigue nuevament salvar a categoría.

Pa l'anyada 2018-19 l'equipo vive una gran renovación, incorporando a Porfirio Fisac como que primer entrenador y mantenendo tant solament a Jonathan Barreiro como que chugador d'a primera plantilla, chunto a o choven aragonés Carlos Alocén. O Tecnyconta aconsigue tornar a os playoff d'a Liga ACB y, por segunda vegada en a suya historia, clasificar-se pa a semifinal dimpués d'eliminar a o Kirolbet Baskonia en quartos de final.

Casademont Zaragoza (2019-hue)

O 23 de chulio de 2019 o club fa publico que Casademont (marca perteneixient a o grupo empresarial aragonés Costa) ye o nuevo patrocinador prencipal de l'equipo.

En a fase regular de l'anyada 2019-20, tallata por a pandemia de COVID-19, o Casademont Zaragoza aconsiguió a millor clasificación d'a suya historia, rematando en tercera posición. Posteriorment, dimpués de perder quantos chugadors entre o parón causau por a pandemia, no aconsiguió clasificar-se pa as semifinals d'a fase final excepcional y acabó a temporada en o sexto puesto.

En a temporata 2020/2021 tendrá equipe femenín que chugará en a maxima competicion nacional por a cesión d'a plaza de l'Stadium Casablanca, qui chugará en a segunda división.

Plantilla 2020/21

Ta plantillas d'anyos anteriors se veiga a lista de plantillas d'o Basket Zaragoza 2002

Masculina

Casademont Zaragoza 2020-21
Chugadors	Equipe tecnico
Pos. # Nac. Nombre Altaria Peso Procedencia E 0 Sulaimon, Rasheed 1,93 m. - kg JDA Dijon P 00 Justiz, Javier 2,10 m. 95 kg San Lorenzo de Almagro A 7 Barreiro, Jonathan 2,04 m. 90 kg CB Ourense E 8 Seeley, D. J. 1,93 m. 88 kg Sin equipe E 9 Brussino, Nico 2,05 m. - kg Iberostar Tenerife AP 10 Fernández, Jaime 2,08 m. 95 kg Fútbol Club Barcelona B A 12 Benzing, Robin 2,08 m. 95 kg Beşiktaş AP 15 Konaté, Sagaba 2,02 m. 118 kg Raptors 905 B 17 Krejčí, Vít 1,93 m. - kg Cantera B 21 San Miguel, Rodrigo 1,86 m. - kg Iberostar Tenerife B 31 Ennis, Dylan 1,88 m. 80 kg AS Monaco P 32 Hlinason, Tryggvi 2,15 m. - kg Obradoiro CAB AP 33 Thompson, Jason 2,11 m. - kg Sin equipe B 34 García, Javi 1,87 m. - kg Cantera B - Rupnik, Luka 1,85 m. 80 kg ČEZ Basketball Nymburk	Entrenador prencipal Diego Ocampo Entrenador(s) asistent(s) Sergio Lamúa Manuel Peña Nacho Juan Delegau Luis Giménez Preparador(s) fisico(s) Isaac Caseras Leyenda (C) Capitán (*) Chuga solo en a Euroliga (PE) Pasaporte europeu Lesionau Plantilla • Transaccions Ultima actualización: 16-10-2020

Altas

Altas 2020-21
Chugador	Posición	Procedencia	Tipo	Coste
Jaime Fernández	Ala-Pivot	Fútbol Club Barcelona B	Achent libre.	0 €
D. J. Seeley	Escolta	Sin equipe	Achent libre.	0 €
Rasheed Sulaimon	Escolta	JDA Dijon	Achent libre.	0 €
Jason Thompson	Ala-Pivot	Sin equipe	Achent libre.	0 €
Sagaba Konaté	Ala-Pivot	Raptors 905	Achent libre.	0 €
Luka Rupnik	Base	ČEZ Basketball Nymburk	Rescisión de contracto.	0 €

Baixas

Baixas 2020-21
Chugador	Posición	Destino	Tipo	Cobro
Fran Vázquez	Pivot	Retirau	Retirau.	0 €
Nemanja Radović	Base	UCAM Murcia	Fin de contracto.	0 €
Renaldas Seibutis	Escolta	Sin equipe	Fin de contracto.	0 €
Carlos Alocén	Base	Real Madrid	Fin de cesión.	0 €
Jaime Pradilla	Ala-Pivot	Valencia Basket	Fin de contracto.	0 €

Cesions

Cedidos 2020-21
Chugador	Posición	Destino	Liga
Dino Radončić	Alero	Delteco GBC	ACB
Ander Urdiain	Alero	Penyas Uesca	LEB Oro
Aitor Etxeguren	Ala-Pivot	Cáceres Ciudad del Basket	LEB Oro
Raúl Lobaco	Escolta	Ciudad de Ponferrada	LEB Archent

Femenina

Casademont Zaragoza 2020-21
Chugadoras	Equipe tecnico
Pos. # Nac. Nombre Altaria Peso Procedencia E 2 Gorecki, Haley 1,83 m. - kg Duke Blue Devils P 4 Nicholls, Laura 1,90 m. - kg Fenerbahçe SK A 7 Wurtz, Taylor 1,83 m. - kg Landerneau Bretagne Basket B 10 Ayuso, Aina 1,75 m. - kg Mann Filter Stadium Casablanca P 15 Omerbasic, Samra 1,91 m. - kg Basket Slovanka MB Tabor B 17 Hernández, Zoe 1,76 m. - kg Mann Filter Stadium Casablanca A-AP 22 Handy, Chantelle 1,90 m. - kg Castors Braine P 34 Gatling, Markeisha 1,96 m. - kg Verga Palermo B 35 Vanloo, Julie 1,70 m. - kg Townsville Fire A 62 Sangare, Aminata 1,86 m. - kg Baloncesto Torrelodones	Entrenador prencipal Carlos Iglesias Entrenador(s) asistent(s) José Carlos Marcos Delegau Luis Giménez Preparador(s) fisico(s) Isaac Caseras Leyenda (C) Capitán (*) Chuga solo en a Euroliga (PE) Pasaporte europeu Lesionau Plantilla Ultima actualización: 04-07-2020

Altas

Altas 2020-21
Chugadora	Posición	Procedencia	Tipo	Coste
Markeisha Gatling	Pivot	Verga Palermo	Achent libre.	0 €
Julie Vanloo	Base	Townsville Fire	Achent libre.	0 €
Laura Nicholls	Pivot	Fenerbahçe SK	Achent libre.	0 €
Zoe Hernández	Base	Mann Filter Stadium Casablanca	Achent libre.	0 €
Chantelle Handy	Alero-Ala-Pivot	Castors Braine	Achent libre.	0 €
Haley Gorecki	Escolta	Duke Blue Devils	Achent libre.	0 €
Aina Ayuso	Base	Mann Filter Stadium Casablanca	Achent libre.	0 €
Taylor Wurtz	Alero	Landerneau Bretagne Basket	Achent libre.	0 €
Aminata Sangare	Alero	Baloncesto Torrelodones	Achent libre.	0 €
Samra Omerbasic	Pivot	Basket Slovanka MB Tabor	Achent libre.	0 €

Historial

Anyada	Ran	Liga	Pos.	Resultato final	Competicions de Copa	Europa	Liga	Playoffs	Copa	Europa	Total
2002–03	2	LEB	14	Playoffs de baixata	–	–	12–18	3–2	–	–	15–20
2003–04	2	LEB	4	Semifinals	Copa Prencipe	–	20–14	5–5	2–0	–	27–19
2004–05	2	LEB	6	Quartos de final	Semifinals Copa Prencipe	–	19–15	0–3	0–1	–	19–19
2005–06	2	LEB	4	Semifinals	–	–	25–9	5–3	–	–	30–12
2006–07	2	LEB	3	Semifinals	–	–	21–13	5–3	–	–	26–16
2007–08	2	LEB Oro	1	Puyata	Semifinals Copa Prencipe	–	28–6	–	0–1	–	28–7
2008–09	1	ACB	17	Baixata	Supercopa	–	8–24	–	1–1	–	9–25
2009–10	2	LEB Oro	1	Puyata	–	–	27–7	–	–	–	27–7
2010–11	1	ACB	10	–	–	–	16–18	–	–	–	16–18
2011–12	1	ACB	10	–	–	–	16–18	–	–	–	16–18
2012–13	1	ACB	3	Semifinals	Semifinals SC, Quartos de finals CR	–	21–13	2–4	0–2	–	23–19
2013–14	1	ACB	8	Quartos de final	Semifinals CR	Last 32 Eurocup	18–16	0–2	1–1	8–8	27–27
2014–15	1	ACB	9	–	Quartos de final CR	Last 32 Eurocup	18–16	–	0–1	6–10	24–27
2015–16	1	ACB	12	–	–	Ueitenos de final Eurocup	13–21	–	–	12–6	25–27
2016–17	1	ACB	15	–	–	–	9–23	–	–	–	9–23
2017–18	1	ACB	16	–	–	–	10–24	–	–	–	10–24
2018–19	1	ACB	4	Semifinals	–	–	18–16	2–3	–	–	20–19
2019–20	1	ACB	3	Fase de grupos	Quartos de final CR	Quatreno BCL	16–7	1–4	0–1	13–6	30–11
2020–21	1	ACB

     Campión      Subcampión

Datos d'o club

1ª Equipación

2ª Equipación

• Millor posición en liga: 3^eno (ACB) (anyada 2012/13)
• Pior posición en liga: 14^eno (LEB) (anyada 2002/03)

Palmares

• Liga LEB Oro (2): 2007-08, 2009-10.
• Copa Prencipe (1): 2003-04.

Vinclos externos

• Pachina oficial d'o Basket Zaragoza 2002.
• CAIzaragoza.net
• Basket-Zaragoza.com

Se veiga tamién

• Inchas Lleons.
• Liga ACB.