Dios

Representación cristiana de Dios, en una pintura de Pietro Perugino.

Dios (d'o latín < DEUS) tien diferent significato seguntes si ye escrito en minuscla u mayuscla:

1. En minuscla: Deidat a la que se da u daba culto en una relichión. Qualsiquiera d'os sers superiors a l'hombre con capacidatz sobrenaturals. Se veiga mitolochía.
2. En mayuscla: En as relichions monoteistas (chudaísmo, cristianismo y islamismo), ser supremo y omnipotent, creyador de l'Universo. A concepción de "Dios" no ye identica en istas tres relichions, encara que todas rancan de l'Antigo Testamento. Asinas, por eixemplo, a mayor parti d'os cristians creyen en a Santisma Trinidat. Antimás d'a suya omnipotencia, tiene conoiximiento de tot o que existe, ha existito u existirá.

Bi ha quí define a Teolochía como a sciencia que tracta de Dios, anque no s'alazeta en os metodos scientificos y no puede estar considerada como tal.

As personas que negan a existencia de dioses se claman ateas. A disaparición d'a certitut d'a existencia de Dios ye comentata por autors como Nietzsche. Ta bellunas d'istas presonas, o concepto de Dios ha dixato como racada gran cantidat de tradicions y costumbres mantenitos en "o suyo nombre" que han dixato a l'humán, com ser animal, en segundo plan, cosa que ha feito chirar a historia en contra d'ell mesmo, dixando-lo a la voluntat de Dios.

As presonas que ni afirman ni niegan a existencia de Dios, se claman agnosticos. No creyen ni en a existencia ni en a no existencia de dioses.

• 
  Representación abstracta d'o Dios cristián.
• 
  Anubis, dios echipcio d'a muerte.
• 
  Os dioses romans, Chupiter y Thetis.

Vinclos externos

• Se veigan as imáchens de Commons sobre Dios.