Zonas paulencas supramareyals

Marismas d'Isla Cristina, en a provincia de Uelba.

As zonas paulencas supramareyals son ambients sedimentarios y ecolochicos costers por dencima d'o ran de marea alta, (encara que en as tronatas o nivel de l'augua marina puet envadinar-las), que reciben augua dulza y sedimentos de ríos y que son cubiertas a vegatas por una vechetación abundant.

Denominacions

Estas zonas paulencas son conoixitas como marismas en castellán, almarjals, maresmes u aiguamolls en catalán, marais en francés y marshes en anglés.

O marais petavín.

Sedimentación

A sobén son relacionatas con albuferas, que son colmatando-sen por os aportes d'os ríos. En estas albuferas y arredols se produce una sedimentación d'archila quan l'augua dulce turbia d'os ríos se mezcla con l'augua salata. Se creyan extensas acumulacions de bardo que se pueden veyer en a marea baixa. As zonas paulencas supramareyals son por dencima d'o ran de marea alta y son relacionatas con canals fluvials. Por haber-ie una vechetación abundant tamién puet sedimentar turba que dimpués esdevién carbón.