Videochuego

Imachen d'o videochuego Tux Racer

Un videochuego ye un programa informatico con finalidat ludica que se chuga con un dispositivo electronico con una pantalla y una serie de perifericos que premiten a interacción. Os soportes habituals de chuego son una consola de videochuegos, ordinador, PDA u telefón móvil.

A interacción entre o chugador de videochuegos y un aparato electronico (hardware) a on s'executa o videochuego, pende d'o chuego que puede estar ta un chugador u ta quantos chugadors (multiplayers en anglés); que pueden estar chugando dreitament u por meyo d'Internet (videochuegos en línia). En relación a lo hardware que executa os videochuegos, puede estar dende un ordinador a un artefacto especialment creyato ta ixo, como as videoconsolas u as maquinas recreativas, pasando por telefons móvils (celulars) y atros dispositivos electronicos. Respecto a lo software, istos pueden estar gravatos en bell meyo d'almadacenamiento (como un cartucho, una tarcheta, un disquet, un CD, etz.) ta estar executatos en un aparato especifico.