Diferencia entre revisiones de «Tetra (peix)»

De Biquipedia
Contenido eliminado Contenido añadido
Escarbot (descutir | contrebucions)
m wikidata interwiki
Linia 47: Linia 47:
[[Categoría:Peixes d'aquario]]
[[Categoría:Peixes d'aquario]]
[[Categoría:Tetras]]
[[Categoría:Tetras]]

[[de:Tetra GmbH]]

Versión d'o 11:55 5 chun 2020

Tetra

Un tetra emperador (Nematobrycon palmeri) y qualques tetras neón (Paracheirodon innesi) de fundo. Totas dos, especies suramericanas.
Dominio: Eukaryota
Reino: Animalia
Filo: Chordata
Subfilo: Vertebrata
Clase: Actinopterygii
Orden: Characiformes
Familia: Alestiidae
Characidae
Lebiasinidae
Tetra
Linnaeus, 1758

Iste articlo trata sobre os peixes Tetra. Ta altros usos d'o termino «tetra» se veiga Tetra.

Tetra ye una denominación popular ta bellas especies de peixes d'augua dulza, de mida chiqueta, orichinarias de latitutz tropicals y subtropicals d'o mundo, especialment d'America Central y d'o Sud, anque bi n'ha tamién que dimanan d'altros continents, como lo sudeste asiatico y d'as cuencas d'os grans ríos d'Africa. «Tetra» ye un caso de denominación polifiletica, en a que se i concaben especies de muitos cheneros diferents, y dica de diferents familias zoolochicas, y lo suyo emplego se lemita, sobretot, en l'ambito de l'aquaricultura y aquariofilia, en estando un termino que careix totalment de garra valor taxonomica.

Os peixes ditos «tetra» solen compartir qualques carateristicas que son as que fan que os afeccionatos troben consenso en dar-les ixa denominación popular. Tienen o cuerpo comprimito lateralment, con aletas caudal, dorsal y anal unicas, dos aletas ventrals y dos pectorals. A boca la i tienen frontal (á diferencia d'as especies d'a orden Cyprinodontiformes -guppys, mollys, ...-, tamién populars en aquariofilia, que la i tienen superior) pos capturan l'alimento que flota en l'augua a meya altaria, mostrando-se bien cautelosos por instinto quan el capturan en a superficie y careixendo d'a tendencia que tienen os Cyprinidae (carpas) ta exforicar en o fundo ta buscar-lo, recullendo-lo a lo más quan se troba reposau en bella superficie. Bellas especies, concretament as que perteneixen en a familia Characidae con a sola excepción d'as especies miembros d'o chenero Nematobrycon, a demés tienen una aleta adiposa.

D'alcuerdo con bells autors, a denominación «tetra», que ye un radical lexico que en griego significa «quatre», dimana d'as quatre aletas unicas que tienen os miembros d'a familia Characidae: caudal, dorsal, anal y adiposa (Characidae ye a familia que més gran numer d'especies cautivables tiene). Alavetz, a denominación s'habría feito posteriorment extensiva a totas as especies que se pareixen tamién d'ista familia concreta de peixes, sin que fuese preciso que perteneixesen en os Characidae u nian que tenesen l'aleta adiposa que ye carateristica d'ixa familia taxonomica.

Imachens

Os nombres populars, mesos d'entre clavetas (« »), corresponden con os nombres populars como se's sole conoixer en Espanya, por el que se citan castellano.

Vinclos externos