Val de l'Aragón

A val de l'Aragón u val de Canfranc (en a suya parti superior) ye una val d'o Pireneu aragonés dentro d'a comarca d'a Chacetania en a parti noroccidental d'a provincia de Uesca (Espanya).

Prene o suyo nombre d'o río Aragón, que lo recorre de norte a sud y naixe quasi en a muga con Francia en os ibons de Truitas y Escalar en Astún, y encluye a los municipios de:

• Canfranc.
• Villanuga.
• Castiello de Chaca.
• Chaca.

Ista val tien tres mugas con Francia, o puerto de Somport a 1.640 m d'altaria, o Tónel de Somport, con a suya cota a quasi 1.200 m y más de 8 km de largaria y a viella muga ferroviaria d'o canfranero, que fue lo 18 de chulio de 1928 y trancato en 1970.

Forma parti d'a vía tolosana d'o Camín de Sant Chaime con a Seu de Chaca como exponent més gran. Antimás de contar con muitas ilesias y armitas romanicas.

En a suya cabezera se troban as estacións d'esquí de Candanchú y Astún lo que fa que siga o torismo a principal y quasi sola fuent d'ingresos y a suya maxima altaria ye o Pico Collarada de 2.886 m d'altaria en Villanuga.

En a Edat Meya esta val yera conoixita como val d'Arueix (pronunciato /a.ru.eʃ/) por o despoblato d'Arueix en o termin municipal de Villanuga.

Vinclos externos

• Se veigan as imáchens de Commons sobre Val de l'Aragón.