Ramón Bayeu

Plantilla:Infobox famosos Ramón Bayeu y Subías, naixito de Zaragoza (Comarca de Zaragoza) o 2 d'aviento de 1744 y muerto en Aranjuez (Espanya) o 2 de marzo de 1793, estió un pintor aragonés, miembro d'una conoixita familia d'artistas, con os suyos chirmans Francisco y Manuel.

Cridato por o suyo chirmán Francisco, marchó en 1764 enta Madrit, a on dentró en a Reyal Academia d'Artes Polidas de Sant Ferrando, ganando-ie en 1766 o primer premio de pintura, en redotando a o mesmo Francisco de Goya que tamién se i presentaba. Dende ixe inte, colaboró con os suyo chirmán Francisco en quantos d'os suyos treballos.

En 1786 lo nombroron pintor de tapices en a Reyal Fabrica de Tapices, chunto con o suyo amigo Goya. Tamién colaboró en pinturas ta ilesias de Madrit y de l'arredol, amás de ta bellas ilesias aragonesas, y mesmo ta ilesias de puestos como Sevilla u Valladolit.

A mayor parte d'a suya obra se conserva hue en o Museu d'o Prado.

Vinclos externos

• Se veigan as imáchens de Commons sobre Ramón Bayeu y Subías.
• (es) Ramón Bayeu y Subías en a Gran Enciclopedia Aragonesa.

Galería d'imáchens

• 
  El majo de la guitarra.
• 
  La cocina.
• 
  Obsequio campestre.