Diferencia entre revisiones de «Sociedad Deportiva Huesca»
Linia 461: | Linia 461: | ||
|} |
|} |
||
---- |
---- |
||
* ''' |
* '''Temporadas en [[Primera División]]''': 1. |
||
* ''' |
* '''Temporadas en [[Segunda División]]''': 9. |
||
* ''' |
* '''Temporadas en [[Segunda División B]]''': 18. |
||
* ''' |
* '''Temporadas en [[Tercera División]]''': 30. |
||
== Records d'o club == |
== Records d'o club == |
Versión d'o 23:31 12 oct 2019
Plantilla:Infobox Equipes de fútbol
A Sociedad Deportiva Huesca (Sociedat Esportiva Uesca en aragonés) ye un club de fútbol aragonés, d'a ciudat de Uesca. Fue establito en 1960 y chuga actualment en Primera División. Tien 3.400 socios.
Historia
O club actual s'establió o 29 de marzo de 1960, dimpués de 4 anyadas sin garra equipe representativo d'a ciudat de Uesca. Manimenos, a S.D. Huesca ye o hereu d'una serie d'equipes que fuoron amaneixendo y dispareixendo consecutivament en o sieglo XX, con bells entrevalos entre ells, y que tienen en común sinyals d'identidat tan importants como a equipación azul y roya.
Huesca Fútbol Club
O Huesca Fútbol Club naixió por as envueltas de 1910, estando Jorge Cajal o suyo primer president. Chugó en os Campos de la Estación y dimpués en os campos de La Cabañera y Villa Isabel (dende 1926). En 1922 s'inscribió en a Federación Aragonesa con un equipamiento azulgrana, por que beluns d'os suyos enfiladors yeran simpatizants d'o F.C. Barcelona.
Dimpués d'una politica ambiciosa, con l'achuste de chugadors importants, a Federación sancionó a o Huesca F.C en 1927 por l'alto pre d'os achustes y por una invasión de campo en un partiu contra o Zaragoza, conque se trancó o campo y finalment l'equipe fue forachitato d'a competición.
Club Deportivo Huesca
Dos anyadas dimpués, en 1929, s'establió o Club Deportivo Huesca, que prencipió a chugar en a Tercera División, chugando en o campo de Villa Isabel. En a temporada 1932/33 o equipe aconsiguió l'ascenso t'a Segunda División. En a temporada 1933/34, por problemas economicos y esportivos, se retiró o Club d'a competición, y estió sancionau por a Federación. Finalment o club despareixió a meyaus d'a decada d'os 1930.
Unión Deportiva Huesca
- Se veiga l'articlo: Unión Deportiva Huesca
En 1941, una colla d'amigos establioron a Unión Deportiva Huesca. Dimpués de chugar en as categorías aragonesas, en o 1943/44 debutó en a Tercera División. En a temporada 1945/46, a U.D. Huesca deixó de chugar en o campo de Villa Isabel treslandado-se ta o nuevo San Jorge, con una cabida ta 2000 presonas. En a temporada 1947/48, a U.D. Huesca ganó o suyo grupo d'a Tercera División chugando a fase d'ascenso t'a Segunda División, pero a la fin, no aconsiguió l'ascenso. Finalment o equipe ascendió t'a segunda división en a temporada 1949/50 an que i remane por tres anyadas. En a suya primer partecipazión (temporada 1950/51) o club obtiene a millor clasificación d'a historia de totz os clubs de Uesca, rematando a liga en 5eno puesto, nomás a 3 puntos de poder chugar a liguilla d'ascenso t'a Primera División. Entre 1953 y 1956, a U.D. Huesca tornó a chugar en a tercera división, anque ye amanau a tornar a puyar de categoría, pero a la fin o club se disuelve en 1956.
Sociedad Deportiva Huesca
A S.D. Huesca s'estableixe o 20 de marzo de 1960, dimpués de 4 anyos sin garra equipo representativo d'a ciudat. O enfilador prencipal y primer president estió Patricio Funes. A primera temporada (1960/61), a S.D. Huesca chugó en a División Rechional Preferent y aconsiguió ixe mesmo anyo puyar t'a tercera división. O club chugaba, como ya heba feito a U.D. Huesca, en o campo de "San Jorge" dica que en 1972 se tresladó t'o campo actual: o estadio de L'Alcoraz. En as temporadas 1962/63, 1964/65, 1966/67 y 1967/68 a S.D. Huesca chugó a fase d'ascenso t'a segunda división (estando campiona d'o suyo grupo d'a tercera división en as dos zagueras), pero estió eliminau en todas ellas. Dende alavez os suyos resultaus se tornoron piors, pasando a luitar en as siguients temporadas por marrar o descenso, que a la fin se produció en a temporada 1972/73. En a temporada 1973/74 tornó a puyar t'a tercera división, y ixe mesmo anyo ganó a Copa d'Espanya d'Aficionaus chugando a final contra o Deportivo Aragón.
Dimpués d'una nueva fallita en a fase d'ascenso de 1975/76, a S.D. Huesca consiguió ascender Segunda División B en a temporada 1976/77 como resultau d'a restructuración d'a liga espanyola de fútbol, categoría an que melitó dica a temporada 1983/84. Dende alavez, ha alternau entre a Tercera División y a Segunda División B, chugando en esta zaguera as temporadas 1990/91 y 1991/92; 1995/96 y 1996/97; 2001/02; y dende 2004/05 dica 2007/08. Si quasi todas as temporadas en segunda división B teneban l'obchectivo de no descender de categoría, en a temporada 2006/07, o club fa un cambio d'endrecera, esviellando-se a directiva, a plantilla (con a encorporación de chugadors d'a plantilla y atros provenients d'o Real Zaragoza). Baixo a endrezera esportiva de Manolo Villanova, a S.D. Huesca consigue por dos veces consecutivas partecipar en a fase d'ascenso a Segunda División (temporadas 2006/07 y 2007/08). Ista zaguera temporada a S.D. Huesca consigue por primer vegada l'ascenso t'a Segunda División estando cinco temporatas dica a 2012/13 que torna a baixar ta la Segunda División B.
Se fica, de tecnico, a l'aragonés Pablo Alfaro ta mirar de tornar ta Segunda División. Pasadas cinco chornadas de competición, con solament que cuatro puntos, Pablo Alfaro ye cesau y se cambea por David Amaral. En marzo, lo entrenador canario ye sustituiu por David Navarro, qui levaba a lo filial azulgrana en Tercera División. O club remata en sietena posición. Ta la siguient temporada, o exchugador azulgrana Luis Helguera pasó a ocupar la endrecera esportiva y Luis García Tevenet vino procedent d'o Fútbol Club Cartagena ta exercer como nuevo entrenador. Se cambea la plantiella y solament que cinco chugadors continan de l'anterior campanya, reforzaus con varios chugadors de l'equipe chuvenil, sozcampión d'o grupo en l'anterior temporada. Se proclama, por primer vegada, campión d'o grupo en Segunda División B y desputa la promoción d'ascenso en primer puesto contra lo Nàstic de Tarragona. Pierden os oscenses y chungan contra o Racing de Ferrol y l'Huracán Valencia. Derrotan a l'Huracán 3-1 como resultau global y se proclaman equipe de Segunda División ta la temporada 2015/16.
Equipación
- Primera Equipación: Camiseta azulgrana, pantalons azuls y calzas azulgranas.
- Segunda Equipación: Camiseta con a cruz de Sant Chorche, pantalons y calzas blancos.
- Tercera Equipación: Camiseta narancha, pantalons verdes y calzas naranchas.
Plantilla 2018/19
- Ta plantillas d'anyos anteriors se veiga a lista de plantillas d'a Sociedad Deportiva Huesca
|
|
Equipe tecnico:
- Entrenador: Francisco Rodríguez
- Segundo entrenador: Jaime Ramos
- Preparador fisico: Sergio Pardo
- Preparador de porteros: Adrián Mallén
A lista encluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bell país d'a Unión Europea:
- Akapo tien pasaporte ecuatoguineu y espanyol.
- Juanpi Añor tien pasaporte venezolano y espanyol.
- Musto tien pasaporte archentino y italián.
Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 26 enta debant serán chugadors d'o equipe filial. Asinas, os chugadors con dorsals superiors a o 25 son, a toz os efectos, chugadors d'o Club Deportivo Teruel y como tals, podrán compachinar partius con o primer y segundo equipe.
Estadio
- Articlo prencipal: L'Alcoraz.
A Sociedat Deportiva Huesca tien a suya seu y chuga os partitos como local en o estadio de L'Alcoraz, con una cabita de 7.638 presonas, y que s'inauguró o 16 de chinero de 1972 en un partiu contra o Deportivo Aragón en a que a S.D. Huesca ganó por 2 a 1. Estió recientement reformato durant os anyos 2000 y 2010, de titularidat propia d'o club, y autofinanciatas ditas reformas. Autualmente o aspecto d'o estadio ye totalment moderno y en condicions adaptadas a la Liga Profesional de Fútbol. O encargado d'o mantenimiento d'a suya cubierta vegetal ye l'anterior portero d'a Sociedad Deportiva Jorge Larrosa.
Temporadas
|
|
|
- Temporadas en Primera División: 1.
- Temporadas en Segunda División: 9.
- Temporadas en Segunda División B: 18.
- Temporadas en Tercera División: 30.
Records d'o club
Os datos son referitos a la competición de liga regular d'a Segunda División
- Millor posición en a liga: 11eno (temporada 2008/09).
- Pior posición en a liga: 21eno (temporada 2012/13).
- Mayor goleyada consiguida:
- En casa: S. D. Huesca 4-1 Rayo Vallecano (temporada 2011/12).
- Difuera: C. D. Alcoyano 0-3 S. D. Huesca (temporada 2011/12).
- Mayor goleyada encaxada:
- En casa: S. D. Huesca 1-4 F. C. Barcelona "B" (temporada 2012/13).
- Difuera: Real Madrid C. F. "B" 5-1 S. D. Huesca (temporada 2012/13).
Títols
Títols nacionals
- Campión d'a Segunda División B (1): 2014/15 (Grupo II).
- Campión d'a Tercera División (6): 1966/67 (Grupo V), 1967/68 (Grupo 5V), 1984/85 (Grupo IV), 1989/90 (Grupo XVI), 1992/93 (Grupo XVI), 1993/94 (Grupo XVI).
- Campión d'o Campionato d'Espanya d'aficionados (1): 1974.
- Sozcampión d'a Segunda División B (2): 2006/07 (Grupo III), 2007/08 (Grupo II).
- Sozcampión d'a Tercera División (7): 1962/63 (Grupo V), 1964/65 (Grupo V), 1975/76 (Grupo III), 1985/86 (Grupo IV), 1994/95 (Grupo XVI), 1999/00 (Grupo XVI), 2002/03 (Grupo XVI).
- Sozcampión d'a Copa Federación (1): 2006.
Títols rechionals
- Campión d'a Rechional Preferent (1): 1973/74 (Grupo unico).
- Campión d'a Primera Rechional (1): 1973/74 (Grupo unico).
Vinclos externos
- Oficials
- (es) Pachina web d'o club
- (es) Twitter d'o club
- (es) Facebook d'o club
- Altros
Primera División - Anyada 2023/24 | |
---|---|
Athletic Club | Atlético de Madrid | CA Osasuna | Cádiz CF | Alavés | FC Barcelona | Getafe CF | Girona FC | Granada CF | Rayo Vallecano | RC Celta | RCD Mallorca | Real Betis | Real Madrid | Real Sociedad | Sevilla FC | UD Almería | UD Las Palmas | Valencia CF | Villareal CF |