Diferencia entre revisiones de «Archivo de Filología Aragonesa»
Pachina creyada con ''''Archivo de Filología Aragonesa''' (en castellano), a sobén citada por as suyas sieglas '''AFA''', ye la publicación periodica oficial d'a Institución Fernando el Ca…' |
(Garra diferencia)
|
Versión d'o 14:42 3 may 2019
Archivo de Filología Aragonesa (en castellano), a sobén citada por as suyas sieglas AFA, ye la publicación periodica oficial d'a Institución «Fernando el Católico», que depende d'a Diputación Provincial de Zaragoza. Ye la principal publicación de temas de filolochía en Aragón y se publica con una periodicidat anyal dende 1945.[1]
Se principió a publicar en 1945 con dos series: a serie A tractaba sobre dialectolochía y la dirichiba Francisco Ynduráin, y a serie B, que iba sobre literatura, dirichida por José Manuel Blecua. En 1950 se fusionoron as dos series en una sola publicación.[2]
Porque en os primers anyos de la publicación no i heba guaires contribuidors potencials y tampoco no i heba estudeos de Filolochía hispanica en a Universidat de Zaragoza, a tematica no yera limitada. En ixes primers anyos, amaneixioron entre as pachinas de l'AFA bells nombres que con es anyos se tornarían ilustres de la lingüistica aragonesa: Gerhard Rohlfs, Rudolf Wilmes, Martí de Riquer, Bernard Pottier, Alwin Kuhn, etc. en chunto con os iniciadors d'a revista: Ynduráin y Blecua.[2]
Actualment, a revista aculle y ha aculliu publicacions filolochicas d'un amplo numero de colaboradors, principalment de l'ambito d'o Dpto. de Lingüistica Cheneral y Hispanica d'a UNIZAR, como Tomás Buesa, Mª Antonia Martín Zorraquino, Mª Luisa Arnal, José Luis Aliaga, etc. pero tamién d'atros. A revista ye dirichida por o catedratico José María Enguita Utrilla.[1]
Referencias
- ↑ 1,0 1,1 (es) Publicaciones en a web d'a Institución «Fernando el Católico», consultada o 3 de mayo de 2019.
- ↑ 2,0 2,1 (es) Archivo de Filología Aragonesa en a Gran Enciclopedia Aragonesa, consultada o 3 de mayo de 2019.