Macedonya d'o Norte

Iste articlo ye sobre l'estato independient d'a peninsula balcanica dito Macedonia. Ta atros usos se veiga Macedonia (desambigación).

Plantilla:Infobox País Macedonia d'o Norte (en macedonio Северна Македонија) ye un estato independient en a peninsula balcanica a lo sudeste d'Europa, con una superficie d'alto u baixo 25.713 km² y una población d'arredol de dos millons de habitants. A suya capital ye Skopje. O suyo nombre oficial ye Republica de Macedonia d'o Norte (en macedonio Република Северна Македонија, romanización Repúblika Severna Makedóniya).

L'actual President de Macedonia d'o Norte ye Gjorge Ivanov, y o Primer menistro ye Nikola Gruevski.

Mugas

A Republica de Macedonia d'o Norte, que no tien salida a la mar, muga con Grecia, Bulgaria, Serbia y Albania.

Población por etnias y nacionalidatz

A población de Macedonia d'o Norte ye multietnica. Os eslavos macedonians son a mayor parte d'a población, seguitos por os albaneses. Tamién bi ha serbios, turcos, vlacos y chitans. Os serbios de Macedonia d'o Norte en a muga con o Kosovo son serbios islamizatos descendients d'a población serbia que i heba en o Kosovo enantes d'a invasión otomana. Macedonia d'o Norte yera a republica yugoslava con mayor concentración de turcos, (en 1981 uns 87.000, o 4 % d'a población d'a republica, a mayoría d'un total de 100.000 en tota l'antiga Yugoslavia). Manimenos os que a lo principio se definiban como turcos pasoron a declarar-sen como albaneses u chitans. En 1981 os vlacos de Macedonia d'o Norte son arrumans y no plegaban a las 7000 presonas. Os vlacos viven en as rechions de Bitola, Resen y Krusevo, en os monts Osgovo y a val de Kriva.

Esporte

Os esportistas de Macedonia d'o Norte compitioron con a equipe de Yugoslavia dica 1991.

Os esportes mes populars son o fútbol, o baloncesto y o balonmán.