Centro (Zaragoza)

Centro
Districto urbán de Zaragoza
Plaza d'Aragón, molimento a o Chusticia d'Aragón
Entidat  • País  • Ciudat	Districto urbán Aragón Zaragoza
Codigo postal	50.001, 50.004, 50.006, 50.006, 50.008
Nº districto	4

O Centro ye un districto de Zaragoza (Aragón). Muga con os districtos de Delicias, Casco Antigo, Universidat y Sant Chusé. A zona ye situata entre as carreras d'o Coso, Espartero, plaza San Miguel, carrera Coímbra, as avenitas Cesáreo Alierta, San Chusé, Tenor Fleta y Goya, a carrera Anselmo Clavé, María Agustín, Puerta d'o Carmen y l'avenita César Augusto.

A principal carrera d'o districto y una d'as principals d'a ciudat ye o Paseyo Independencia que va dende a plaza d'Espanya dica la plaza d'Aragón, a on que ye situato o molimento adedicato por a ciudat a o Chusticia d'Aragón Chuan de Lanuza.

En iste districto se troba o sector comercial y financiero d'a ciudat con as seus d'importants comercios y bancos.

Mugas

Mapa d'o districto

Seguntes os plans censals d'o Concello de Zaragoza as mugas d'o districto son:

• A o norte, con o Casco Antigo mugan o Paseyo de María Agustín, l'Avenita de César Augusto, o Coso, Espartero, Plaza San Miguel y carrera Miguel Serveto.
• A l'este, con Sant Chusé mugan as Avenitas Tenor Fleta, Sant Chusé y Cesáreo Alierta y Camín de Las Torres.
• A o sur, con o districto Universidat muga l'Avenita Goya.
• A l'ueste, con as Delicias muga l'Avenita d'Anselmo Clavé.