Roma

Roma ye una ciudat italiana, capital tanto d'Italia como d'a rechión d'o Lazio y d'a provincia de Roma, que se troba situata chunto a o río Tíber, en a parti central d'o país, amán d'a mar Tirrena.

A Ciudat d'o Vaticano, situata en a suya mayor parti en o interior de Roma, ye a seu d'o papato d'a Ilesia catolica, reconoixito como estato independient por o gubierno italiano en l'anyo 1929 por o Pacto de Letrán. A machestuosa cupula d'a basilica de San Pietro, en a Ciudat d'o Vaticano, sobresale sobre l'horizont d'a ciudat. Roma fa parte d'a Organización d'as Ciudatz d'o Patrimonio d'a Humanidat. Antiparte, ye una ciudat con un important legato cultural, herencio d'a suya historia, en estar tamién l'antiga capital d'o Imperio román y seu d'o Papato dende fa alto u baixo 2.000 anyadas.

A suya población ye de 2.863.322 d'habitants (2013) en una superficie de 1.285,306 km², con una densidat de población de 2.228 hab/km²

Orichen etimolochico

Diz a leyenda que os bezons Romulo y Remo, fillos de Marte, fuoron albandonatos en naixer. Enfortunadament, una lupa se encargó de aleitar-lis y os ninons creixioron cerenyos. Sindembargo, estando creixitos, Romulo amortó a Remo y establió Roma. Hue en diya, o simbolo d'a ciudat imperial contina estando a lupa y os dos ninos.

Veyer tamién

• Antiga Roma.
• Arias metropolitanas en a Unión Europea.
• Universidat Niccolò Cusano.
• Piazza Navona‎.

Localidatz achirmanatas

• Buenos Aires (Archentina).
• Bogotá (Colombia).
• Caracas (Venezuela).

Vinclos externos

• Se veigan as imáchens de Commons sobre Roma.
• (it) Pachina web oficial municipal de Roma.
• (en) Pachina web de l'oficina de torismo de Roma.
• (en) Pachina web d'os museus de Roma.