Pireneu

O Pireneu, (con denominacions en plural como Pirineus, Perinés u Pirinés) ye una cordelera montanyesa situada a lo norte d'a peninsula Iberica entre Espanya y Francia. S'estendilla a lo largo de 415 km dende o cabo de Creus (mar Mediterrania) a l'este, dica o golfo de Vizcaya (mar Cantabrica) a l'ueste. En a suya parti central tien una amplaria de bells 150 km. En o luengache corrient a parola Pireneu s'aplica a lo conchunto de sarras buegants entre Espanya y Francia.

En a vesant norte, transcorre por as rechions francesas d'Aquitania, Meyodía-Pireneus y Rosellón. En a vesant sud transcorre por o País Vasco, Navarra, Aragón y Catalunya. O chicot estau d'Andorra ye situato en o Pireneu, entre Espanya y Francia.

Orichen etimolochico

A parola Pireneu provién d'a mitolochica filla d'Atlas, Pirene. Seguntes os griegos, os Pireneus recullioron o suyo nombre de Pirene, una choven d'a rechión a la que Hercules se levó con ell en un d'os suyos viaches.

Unatra versión diz que ye un antigo toponimo, d'orichen basco. Seguntes ista luenga, a cordelera se clamó Ilene bos, que significa "monts d'a Luna", pos Ilene ye a Luna.

Cheolochía

En o marco d'a tectonica de placas o Pireneu s'interpreta como un orocheno de colisión. Dimpués de producir-se una rotación d'a placa iberica, se produce una colisión entre esta placa y a placa euroasiatica con plegamiento d'as rocas sedimentarias principalment formatas en as plataformas continentals d'estas placas y acurzamiento litosferico, con obducción d'a placa euroasiatica sobre a placa iberica. En este proceso de colisión se formoron tamién o Sistema Iberico y as Costero-Catalanas como cordeleras y a Depresión de l'Ebro como cuenca d'antepaís.

As caracteristicas cheolochicas mas destacadas son a disimetría d'as vesants en o sentiu transversal, ye dicir que a suya baixant ye muito mas accentuada en a vesant francesa que no en a espanyola, y a disimetría en o sentiu lonchitudinal: desciende suaument enta l'Atlantico y feriosament enta la Mediterrania.

Os Pireneus se formoron en a Era Terciaria, quan se produció a orochenia alpina.

Se i pueden distinguir quantas unidatz:

• Pireneu axial.
• Prepireneu interior u "Sierras interiors".
• Depresión pirerenca intermeya.
• Prepireneu exterior u "Sierras exteriors".

O Pireneu axial ye formau de materials d'a Era Paleozoica plegatos en a orochenia herzinica, que s'han erosionato dimpués d'a orochenia y que han feito de calcil pa la sedimentación en a Era Secundaria.

O Prepireneu consiste en cabalgamientos y napas tectonicas que viachoron enta o sud quan s'alcorzó a crosta inferior.

A depresión pirenenca intermeya no siempre ye bien definita, por a superposición de napas tectonicas y cabalgamientos, pero se veye bien en a Canal de Berdún.

Cimas

Penya Forca

As cimas mas destacadas d'ista cordelera son:

Pireneus occidentals

• Aiako Harria (837m).
• A Rhune (900m).
• Adi (1.503m).
• Ortzanzurieta (1.570m).
• Orhy (2.021m).
• Pic d'Anie (2.504m).

Pireneus centrals

• Midi d'Ossau (2885 m).
• Collarada (2.886 m).
• Pico Os Moros (3.146 m).
• Pico Vachimanya (3.005 m).
• Pic Long (3.192 m).
• Néouvielle (3.091 m).
• Comachibosa u Pique Longue (3.298 m).

Ordesa y as Tres Serols

As Tres Serols

Pico Celindro

• Punta Tres Serols (3.352 m).
• Celindro Marmorés (3.328 m).
• Soum de Ramond u Pico Anyisclo (3.254 m).
• Marmorés (3.248 m).
• Taillón (3.144 m).
• Punta Faixón (3.009 m).
• Punta Corral Ciego (3.006 m).
• Marmorés d'el Cul (3.077 m).

Pineta

Tuca de Pineta vista dende a Val de Pineta

• L'Almunia Gran (3.134 m).

Chistén

• Vachimala u Punta Schrader (3.177 m).
• Punta Sabre (3.136).

Benás

• Pocetz u Lardana (3.375 m).
• Las Espadas (3.332 m).
• Pabotz (3.121 m).
• Bagüenyola (3.053 m).
• Aneto (3.404 m).
• La Maladeta (3.312 m).
• Maldau (3.350 m).
• Russell (3.205 m).
• Margalida (3.241 m ).
• Tempestades (3.290).
• Alba (3.118 m).
• Mulleres (3.010 m).
• La Forcanada.
• Vallhibierna (3.067 m).
• Perdiguero (3.222 m).
• Gourgs Blancs (3.129 m).
• Cabrioules u Cabrioles (3.116 m).
• Malpás (3.109 m ).
• Salvaguardia (2.738).

Luchon

• Spijeoles (3.066 m).
• Gran Quayrat (3.060 m).
• Pico Lézat (3.107 m).

Pireneus orientals

• Mulleres (3.010 m).
• Besiberri (3.030 m).
• Punta Alta (3.014 m).
• Colomers (2.930 m).
• Montvallier (2.859 m).
• Montsent (2.881 m).
• Montcalm (3.080 m).
• Pica d'Estats (3.140 m).
• Pedrosa (2.948 m).
• Pic de Serrère (2.911 m).
• Puig Pedrós (2.914 m).
• Pic de Carlit (2.921 m).
• Tossa d'Alp (2.537 m).
• Puigmal (2.909 m).
• Pic de Llonces (2.832 m).
• Canigó (2.785 m).
• Costabona (2.464 m).
• Roc de France (1.449 m).
• Noulos (1.257 m).
• Alberes (975 m).

Se veiga tamién a lista de cimas d'o Pireneu aragonés

Cheleras

Debiu a que a glaciación d'o Quaternario afectó a los Pireneus de modo mas decisivo que no a las atras cordeleras espanyolas, existen trazas de modelato glacial dende o Canigó dica o pico d'Adi. A mas gran parte d'os actuals ibons son d'orichen glacial. Hue os Pireneus nomás poseyen cascos glacials u con chicotas luengas por dencima d'os 3000 m: Pico Os Moros, Comachibosa, Mont Perdito y Maladeta.

Rios

Ista cordelera ye a cuna de ríos importants: l'Adour, a Garona, o Nivelle, o Tec, o Tet, l'Aglí y l'Ande en a vesant occitana, y a Bidasoa, l'Aragón, o Galligo, a Cinca, l'Esera, o Segre, o Ter, o Llobregat, a Muga y a Fluvia en a vesant espanyola.

Pireneistas

Bells scientificos y montanyers que s'han destacato en o estudio d'istas montanyas son:

• Louis Francois Ramond de Carbonnières. Naturalista. (1755-1827)
• Franz Schrader. Cheografo. (Bordeus, 1844 - París, 1924)
• Henry Russell. Conte Russell-Killough. (Tolosa, 1834 - Biarritz, 1909)

Ocio

Ordesa

Ista cordellera cuenta con grans espacios atrapaciaus ta l'ocio y ofreix grans posibilidatz por a suya polideza y clima.

As instalacions t'a practica de lo esquí son as que aprecisan d'un espacio más amplo y han modificau l'uso d'o suelo en l'alta montanya.

• En a parti espanyola, os Pireneus cuentan con as siguients estacions: Candanchú, Astún, O Fornigal, Pandicosa-Os Ibons, Sarllé, BoíTaül Resort, Baqueira Beret, Port-Ainé, Port del Comte, Espot Esquí Parc, Tavascan, La Molina, Masella, Vall de Núria, Vallter 2000, Rasos de Peguera.

• En Andorra: Ordino Arcalis, Pal Arinsal, Pas de la Casa-Grau Roig, Soldeu el Tarter.

• En Francia: La Pierre-st Martín, Artouste, Gourette, Luz Ardiden, Cauterets, Hautacam, Bareges, Gavarnie-Gédre, La Mongie, Piau Engaly, Saint Lary, Val Louron, Peyragudes, Luchon Superbagneres, Porte Puimorens, Ax-Les-Thermes, Font Romeu, Les Angles, Puyvalador, Formigueres, Puigmal 2600, Cambré d'Aze, Guzet, Les Mont d'Olmes, Ascou-Pailheres, Mijanes-Donezan.

Vinclos externos

• Revista Dichital d'o Pireneu Aragonés
• Pireneu Nabarro
• Pireneu Aragonés
• Pireneu Catalán
• O Pireneu en Internet