Diferencia entre revisiones de «Cozquillas»
Pachina creyada con 'thumb|right|250px|Zorciguetas a un crío. As '''cozcas''',<ref name="BARCOS">{{es}} BARCOS, Miguel Ánchel, ''El Aragonés Ansota…' |
m Lascorz tresladó a pachina Pizquetas ta Cozquillas |
(Garra diferencia)
| |
Versión d'o 19:09 3 ago 2018
As cozcas,[1] coscas,[2][1] u cozquillas[2] en aragonés occidental, y sosegas,[2] soseguetas[3] u zociguetas[4] en aragonés oriental (en benasqués soseguetes[3]), son una sensación que se siente en bellas partes d'o cuerpo quan se tocan con suavidat, lo que puede fer redir involuntariament a l'individuo a qui le son fetas. Tamién se'n puede producir quan se preta la parte d'o cuerpo y mesmo quan a persona piensa que se le va a tocar, por condicionamiento. Quan se'n siente muitas, pueden resultar desagradables.
Nombres
En a Chacetania se documenta os nombres cozcas y coscas[1][2] pa nombrar-las. A parola cozquillas se documenta en diferents localidatz de l'Alto Aragón central y occidental, y a suya variant cosquillas ye la cheneral en tot lo territorio, dende Chacetania dica Sobrarbe, anque puede pareixer conseqüencia lochica de l'ampla substitución de l'aragonés por o castellano, ya que si paramos cuenta, «cosquillas» ye como se les diz en ixe idioma.
En a val de Chistau, en Sobrarbe, se documenta a parola zociguetas.[4] En a val d'a Cinca en Sobrarbe se guarda memoria d'a parola zorciguetas, que fa l'alcordanza muito de l'anterior, anque ista podría estar influida por a parola «zorz». En a Fueva tamién se les deciba pizquetas, lo menos dica os anyos 1930. Tanto zorciguetas como pizquetas son palabras desusadas en l'actualidat en a comarca de Sobrarbe.
Se veiga tamién
Referencias
- ↑ 1,0 1,1 1,2 (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. ISBN 978-84-8094-058-0
- ↑ 2,0 2,1 2,2 2,3 (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. ISBN 84-8465-160-6
- ↑ 3,0 3,1 (es) BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de (an)(es)(en) Diccionario del benasqués. Consultau lo 3 d'agosto de 2018.
- ↑ 4,0 4,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0
Vinclos externos
Se veigan as imáchens de Commons sobre as zociguetas.
