President de Pakistán

O president de Pakistán, oficialment President d'a Republica Islamica de Pakistán, ye o cap de l'estato de Pakistán y simbolo d'a unidat d'a Republica. O President tién, de iure, o titol de lugartenient d'as Fuerzas Armatas de Pakistán, d'alcuerdo con a Constitución.

Ye a maxima autoridat d'a nación y ye informato de totz os asuntos de politica interna y forana, asinas como d'as propuestas lechislativas, por o primer menistro d'o país. A Constitución atorga a o president os poders de y o control de l'exercito; pero atura a o president exercer l'autoridat de dirichir o gubierno. Antimás ye esleito indirectament por o Parlamento por un periodo de cinco anyos y vive en una casa en Islamabad conoixita como Aiwan-e-Sadar (literalment Palacio Presidencial).

L'actual president ye Mamnoon Hussain dende o 9 de setiembre de 2013 como o 12^eno President de Pakistán.

Lista de Presidents

Ta mas información, se veiga l'articlo prencipal sobre a lista de presidents de Pakistán.

1. Iskander Mirza _{(23 de marzo de 1956—27 d'octubre de 1958)}
2. Ayub Khan _{(27 d'octubre de 1958—25 de marzo de 1969)}
3. Yahya Khan _{(25 de marzo de 1969—20 d'aviento de 1971)}
4. Zulfikar Ali Bhutto _{(20 d'aviento de 1971—13 d'agosto de 1973)}
5. Fazal Ilahi Chaudhry _{(14 d'agosto de 1973—16 de setiembre de 1978)}
6. Muhammad Zia-ul-Haq _{(16 de setiembre de 1978—17 d'agosto de 1988)}
7. Ghulam Ishaq Khan _{(17 d'agosto de 1988—18 de chulio de 1993)}
8. Farooq Leghari _{(14 de noviembre de 1993—2 d'aviento de 1997)}
9. Wasim Sajjad _{(2 d'aviento de 1997—1 de chinero de 1998)}
10. Muhammad Rafiq Tarar _{(1 de chinero de 1998—20 de chunio de 2000)}
11. Pervez Musharraf _{(20 de chunio de 2000—18 d'agosto de 2008)}
12. Muhammad Mian Soomro _{(18 d'agosto de 2008—9 de setiembre de 2008)}
13. Asif Ali Zardari _{(9 de setiembre de 2008—9 de setiembre de 2013)}
14. Mamnoon Hussain _{(9 de setiembre de 2013—hue)}

Veyer tamién

• Primer ministro de Pakistán.
• Parlamento de Pakistán.
• Asambleya Nacional de Pakistán.
• Senato de Pakistán.