Diferencia entre revisiones de «Roseta hexapetala»
m wikidata interwiki |
|||
Linia 65: | Linia 65: | ||
[[Categoría:Simbolos]] |
[[Categoría:Simbolos]] |
||
[[Categoría:Arte celta]] |
[[Categoría:Arte celta]] |
||
[[pl:Gwiazda heksapentalna]] |
Versión d'o 09:02 1 mar 2018
A roseta hexapetala u roseta hexafolia ye o tipo de religada más común en l'Alto Aragón, consiste en seis linias curvas cerratas iguals con simetría radial arredol d'un centro que fa d'eixe senario. Bellas rosetas chuntas forman a "flor d'a Vida".
A roseta en culturas prehistoricas y protohistoricas
A roseta como simbolo ya existiba en a edat de bronze, quan en Europa se daron os cultos solars con más intensidat, y se crei que como os trisquels, cuatrefuellas y esvasticas son simbolos solars.
Os pueblos celtas y italos emplegaban iste simbolo. En l'arte celta de La Tene, aimant d'as formas curvas, lo veyemos por eixemplo en o Caldero de Gundestrup chunto con elefants.
A roseta en l'arte román
Os romans lo emplegaban muito, y pa os hispanorromans simbolizaba o Chupiter hispán, sincretismo entre o Chupiter latín y divinidatz indichenas como "Candamius". Eduardo Peralta Labrador comenta en "Estelas discoideas de Cantabria":
A roseta como simbolo pagán asimilato por l'arte cristián
Amanix en l'Arte romanico. En l'Alto Aragón pueden veyer-se en muitas ilesias romanicas.
Huei en o sud d'os Alpes se diz sol d'os Alpes, igual que bellas cardinchas, indicando bien clara a suya simbolochía solar. En o Pirineu as cardinchas se posan en as finestras y reportals d'as casas pa esbarrar a las bruixas. Se diz que o mesmo Carles Magno culliba cardinchas pa curar-se o figado.
En l'arquitectura tradicional pirenenca y espanyola, iste simbolo se marca muito a sobén en os reportals de casas, graners y tamién obchectos ornamentals, y pareix que huei iste simbolo s'emplega como símbolo protector-benefactor.
José Manuel Gómez Tabanera preba d'esplicar cómo a roseta esdevinió un simbolo común en l'arte cristián d'a Peninsula Iberica:
En l'aria de Zakopane y monts Tatra (Polonia) ye un simbolo recurrent en os reportals d'as casas tradicionals de fusta e ilesias (y tamién d'o suyo interior). En polaco recibe o nombre de Kołomir. Un buen eixemplo en ye a Capiella d'o Sagrato Corazón de Chesús en Jaszczurówka
A roseta en l'artisanía popular
Os pastors entallan rosetas en figuras que posaban en os collars d'as uellas como elemento protector.
Rosetas en Teruel
Una d'as més antigas representazions de roseta en Aragón provién d'o chacimiento ibero-román d'o Cabezo d'Alcalá (Zaila), en o tozuelo d'un toro de bronze que yera en un posible templo.
En l'este d'a provincia de Teruel tamién se'n troban belunas, amás famosa y espectacular a de Mirambel. As rosetas en Teruel no son tan comuns como en o Pireneu actual, pero clama l'atención lur pervivencia dende epoca romana:
- En la Iglesuela y Torrelconte bi ha rosetas en estelas funerarias romanas u ibero-romanas.
- En os fosals medievals de Cretas, Foz Espalda y La Fraixneda bi ha estelas discoidals con rosetas. En o fosal medieval de Val de Robres yera present una Flor d'a Vida.
- En o portal d'o fosal de la Fraixneda y en un portal d'a ilesia d'o fosal d'Albalat de l'Arcebispe bi ha rosetas. Bi n'ha dos en o portal d'a ilesia de San Antón d'Ixar, seguntes beluns l'antiga sinoga d'Íxar.
Galería d'imachens
-
Roseta hexapetala feita en Escocia.
-
Roseta en o Monesterio de Santa María la Real de Iranzu
Bibliografía
- Eduardo Peralta Labrador: Las estelas discoideas de Cantabria. (1989) en Estelas discoideas de la Peninsula Iberica. pp 425–466.
- José Manuel Gómez-Tabanera: Mito y simbolismo en las estelas discoideas funerarias de la Península Ibérica.