Raška

Plantilla:Estato desapareixito Raška estió una entidat territorial d'a Edat Meya creyata por serbios. Bells autors consideran que Raška estió o primer estato d'os serbios en o que se puede mirar una identidat politica. Fue creyato por Vladimir en l'anyo 850 y yera centrato en l'actual aria oriental de Montenegro y sud de Serbia, (Sanchac de Novi Pazar), estendillato por as vals d'os ríos Piva, Tara, Lim y Ibar (á grosso modo entre os monts Durmitor y Kopaonink). Inicialment aceptaba a supremacía de Costantinoble, pero dimpués Raška quedó entre a Bulgaria de Simeón I y a Zeta d'o veliki župan Ceslav. Os bulgaros atacoron Raska bellas vegatas dende l'anyo 863. En l'anyo 927, dimpués d'a muerte de Simeón de Bulgaria o veliki župan Ceslav prenió o control de Raška. En morir Ceslav Costantinoble prenió o control de Raška.

Stefan Nemanja s'asentó en a cadiera reyal en 1168, y en 1185 se declaró independient de Costantinoble. En 1196 abdicó a favor d'o suyo fillo Stefan (conoixito como Prvovencani u primer coronato), qui en 1217 fue reconoixito por o Papa Honorio III como "Rei de Serbia, Dalmacia y Bosnia".

Con a dinastía Nemanja reinando dos sieglos més, Serbia esdevinió un estato poderoso que dominó extensas zonas d'os Balcans occidentals, aproveitando que o Imperio de Romanya s'esboldregó por culpa d'a Quatrena Cruzata en 1204.

Bibliografía

• History of Serbia. Articlo tetulato Balcan States en a edizión de l'anyo 2007 d'a Enciclopedia Britannica.