Edat de Piedra

Dolmen d'a Edat de Piedra en Irlanda.

A Edat de Piedra ye una etapa d'a prehistoria. En a Edat de Piedra bi ha dos epocas importants, o paleolitico (significa piedra antiga) y o neolitico (significa piedra nueva). Recientment se'n fa una división més precisa: paleolitico, mesolitico (formato a partir de piedra y entremeyo) y neolitico.

A Edat de Piedra prencipia con os primers hominidos d'o chenero homo dende que entretalloron a piedra (ta bells scientificos l'homo habilis), agora fa entre 1,9 y 1,6 millons d'anyos. A la Edat de Piedra le siguió a Edat de Bronze, que pendendo d'as zonas se desarrolla entre o 6000 y o 2500 aC.

O paleolitico ye a epoca d'os cazataires y d'a cullita de fruitas, troncas y canyas, d'os humans nomadas y d'a utilización d'ainas feitas con piedra y uesos. Os humans d'o paleolitico tamién prencipioron a dar explicacions machicas a bellas cosas que les escayeceban: temas como a vida y a muerte empecipiaban a ser explicatas por os bruixos d'as tribus a traviés de rituals.

Divisions

• Paleolitico (significa piedra antiga).
  • Paleolitico inferior.
  • Paleolitico medio.
  • Paleolitico superior.
• Mesolitico (formato a partir de piedra y entremeyo).
• Neolitico (significa piedra nueva).
  • Neolitico inicial (I fase).
  • Neolitico medio (II fase).
  • Neolitico final (III fase).

Vinclos externos

• Se veigan as imáchens de Commons sobre Edat de Piedra.