Descusión usuario:Fardachon

Bienveniu a Biquipedia!

Si quiers puetz consultar as primeras indicacions ta editar y modificar articlos d'a Wikipedia en aragonés.

Puetz consultar tamién a recopilación de Preguntas Freqüents que hemos feita, a sintaxi d'a Wikipedia y fer as tuyas primeras prebatinas en a Plana de Prebatinas. Como Biquipedia ye encara un prochecto en creiximiento, as nuestras pachinas d'aduya talment no seigan encara completas, y per ixo te recomendamos que si dimpués de leyer-las encara tiens garra dandalo consultes as pachinas d'aduya d'a Wikipedia en espanyol, en anglés, etc. que trobarás prou más completas.

Ta completar a presentación, te consellamos de fer una gollada per as recomendacions a seguir: (os regles de neutralidat, l'admesibilidat d'os articlos, o Copyright...) y tamién per os Portals, a on que de seguro i trobarás bell tema que t'interese.

Ta sinyar os tuyos mensaches (nomás en as pachinas de descusión) puetz picar ~~~ ; con una quatrena tilde, amés d'a tuya sinyada se i anyadirán a calendata y a hora (~~~~). Para cuenta que no s'han de sinyar os articlos enciclopedicos!. Ye posible de mirar a lista d'os suyos autors en o historial.

Si quiers, tamién puetz editar a decir-nos tuya pachina presonal a on puetz charrar de qui yes y quals son os tuyos temas d'interés. Si yes arribau dende bell altra Wikipedia, no t'oblides de meter-ie tamién os vinclos enta as tuyas altras pachinas presonals.

Ta fer más fácil a comunicación interlingüistica entre os usuarios, puetz indicar quals son as luengas que conoixes -y dica qué nivel- encluyendo en a tuya pachina personal qualsiquiera d'as plantillas que trobarás en Wikipedia:Babel.

Y sobre as custions a tratar, consulta a os usuarios mira-te "cómo planteyar un tema". No t'oblides tampoco que existe una lista d'articlos importants que encara s'han de fer u amillorar, a on trobarás un buen cabo ta estirar-ne si encara no sabeses per a on prencipiar. Ta dentrar en a vida d'a comunidat puetz fer una gollada a las noticias u fer una pasada en A Tabierna.

Ya que te seigan buens os tiempos entre nusaltros!

Don't understand Aragonese? See English version of this document here

¿Eres castellanohablante y te interesa el aragonés? Aquí encontrarás la versión castellana de este documento

Articlos cheograficos de la depresión de l'Ebro.

En biquipedia tenemos feitos articlos d'una terminolochía relacionada con la que escribes. D'entre anyadas que soi escribindo he plegau a uns puntos de vista que quiero transmitir. Uno que creigo que entenderás ye l'uso de lo participio en estos articlos. A yo me transmitioron la ideya que en aragonés yera mes "puro" lo participio -ato, -ata, manimenos esto ye adequau en aragonés central y zonas a on que se feba servir, no en atras tierras luent de l'aragonés central. En biquipedia lo tenemos sobrerrepresentau y yo como usuario ya no lo foi servir si no ye en articlos de zonas como Sarrablo, Tena, Bielsa, ecetra. Este participio no ha estau cheneral ni sisquiera en tot l'Alto Aragón, nunca no ha estau propio de Ribagorza. Quan se charraba y s'escribiba l'aragonés en tierra plana s'escribiba -ado, -ada. Quan referenciamos parolas como rosada u barrancada ye mes facil con -ada porque bi ha mas posibilidatz de trobar las referencias tanto en estudios lexicolochicos actuals de l'Alto Aragón como en textos medievals aragoneses de qualsiquier part d'Aragón, pa referenciar *barrancata u *rosata siempre bi ha que mirar en las mesmas pocas localidatz, y a vegadas ni sisquiera s'ha conservau esta pronunciación. Los restos de lexico aragonés de la val de l'Ebro son siempre en -au, -ada (de fueras de gayata), y la toponimia tamién ye quasi siempre en -au, -ada. Si escribimos de lugars y paraches de lugars luent de lo Pireneu Central sistematicament con este participio en -ato se creya un contraste bien envistable, contraste que no se da si fas servir -au, -ada. Piensa que si escribes lo verbo replecar (forma tensina) y dimpués con -ato contrasta muito en una zona a on fa sieglos que dicen replegau (y en la Edat Meya replegado). La evolución de la luenga ya en la baixa Edat Meya s'heba decidiu por estas formas con d en la mes gran part d'Aragón sin haber-ie garra presión/imposición d'atras luengas que no fuesen l'arabe u lo latín. Yo esto lo he iu veyendo poquet a poquet y comprendo igual no sigas d'acuerdo, ye solament una recomendación que puedes seguir u no: en articlos d'esta zona que yes treballando, millor -au, -ada.--EBRO (descusión) 06:58 7 set 2016 (UTC)

Vicos y barrios

Ola Fardachon. He visto que has cambiau en quantos articlos a parola "barrio" por "vico". Iste tema se discutió fa tiempo y ya se tresladoron os articlos de "vico" a "barrio" (Descusión:Vico). Antis de fer ista mena de cambios en os que s'han de tresladar nombres d'articlos ye millor comentar-lo en una pachina de discusión y asperar bells días a que os atros usuarios opinen sobre o tema. Salut! --Willtron (?) 13:58 18 set 2016 (UTC)

Antes de renombrar, debatir

Encara que soi d'acuerdo con lo cambio que has feito, y comprendo que ye VAL MENUTA, quiero decir-te una cosa. Te demando una vegada mes que antes de cambiar bella cosa en un titol u articlo, que aportes argumentos en la pachina de discusión pa que qui lo haiga escrito antes tienga tiempo pa expresar los suyos argumentos. Fa tiempo que dengún no ha escrito cosa en la pachina de discusión, pero tú tampoc no lo has feito. A vegadas quan bella cosa ye escrita d'una traza diferent a la que creyemos correcta, bi ha una razón pa que siga asinas, una razón que igual no conoixemos y que mos puede aduyar a ixamplar conoixencias. En los articlos amás bi ha seccions con referencias y bibliografía, y ye recomendable que en ixas referencias y bibliografía siga present la fuent que chustifica los cambios que se van fendo. Tamién bi ha resumens d'edición a on que se puede explicar porqué se fa lo cambio. La proxima vegada que veigas una información pa cambiar u un titol renombrable, antes exposa los tuyos argumentos pa prener una decisión. Y si ye una simple errada, por lo menos documenta, chustifica y argumenta por qué ye una simple errada.--EBRO (descusión) 17:17 2 avi 2017 (UTC)