Charlie Rivel

Charlie Rivel, nombre artistico de Josep Andreu i Lasserre, naixito de Cubelles, Garraf, Provincia de Barcelona o 23 d'abril de 1896 y muerto en Sant Pere de Ribes o 26 de chulio de 1983, estió un payaso catalán reconoxito internacionalment como un d'os millors payasos d'a historia.

Fillo de Pedro Andreu Pausas Rivels y Marie-Louise Lasserre, qui estioron artistas ambulants de circo. A suya naixencia estió en una actuación d'os suyos país en a plaza mayor de Cubelles, una muller le'n ofreció a os suyos país una estancia a on naixió Josep. Ell deciba que naixió en un establo. Tenió cinco chirmans, Maria Lluisa (1897-1916), Polo Rivel (1899-1977), Renato René Rivel (1903-1976), Marcel (1906-1970) i Roger (1909-2001), con os que fació bells espectaclos dica l'anyo 1935.

As suyas actuacions estioron mas que mas difuera d'Espanya, en Alemanya, Francia y Suiza, dica l'anyo 1954 que torna a Espanya con o Circo Price. As suyas zagueras actuacions destacatas estioron a suya partecipación en a cinta I clowms de Federico Fellini y mientres o recuento de votos d'o Festival d'Eurovision de l'anyo 1973 como artista convidato.

Morió o 26 de chulio de 1983 en Sant Pere de Ribes d'un infarcto de miocardio.

Filmografía

• I Clowns, (1971). Dirichita por Federico Fellini.
• El pallasso i el Führer, (2007). Dirichita por Eduard Cortés.

Teatro

• Uuuuh!, de Gerard Vázquez.

Bibliografía

• Sebastià Gasch (1962), {{{títol}}}, Ed.Alcides, Barcelona.
• Charlie Rivel (1971), {{{títol}}}, Nordisk Forlag a.s., Copenhagen and Stockholm.
• Charlie Rivel (1973), {{{títol}}}, Michael Joseph, Ltd., London. 071811180-X.
• Josep Vinyes Sabatés (1983), {{{títol}}}, Thor, Barcelona. 84-7327-074-6.
• Jordi Jané (1996), {{{títol}}}, Generalitat de Catalunya, Barcelona.

Enrastres externos

• (ca) Exposició Charlie Rivel en Cubelles.
• (es) Biografia de payasos en Clownplanet.