Diferencia entre revisiones de «Sant Per de Calanda»
→Alcaldes: actualización |
|||
| Linia 178: | Linia 178: | ||
| Alfonso Manuel Pérez Ornaque |
| Alfonso Manuel Pérez Ornaque |
||
| [[Partido de los Socialistas de Aragón]] |
| [[Partido de los Socialistas de Aragón]] |
||
|- |
|||
| align="center"|2011–2015 |
|||
| Alfonso Manuel Pérez Ornaque |
|||
| |
|||
|- |
|||
| align="center"|2015– |
|||
| Alfonso Manuel Pérez Ornaque |
|||
| |
|||
|} |
|} |
||
Versión d'o 10:53 20 abr 2017
- Este articlo trata sobre Sant Per de Calanda. Pa atros emplegos de lo toponimo Sant Per vaiga a Sant Per (desambigación).
Sant Per de Calanda (Samper de Calanda en castellán) ye una villa y municipio de la provincia de Teruel, en la comarca de lo Baixo Martín. Fa parte de lo partito chudicial d'Alcanyiz.
La suya población ye de 884 habitants (2012) en una superficie de 142,80 km², con una densidat de población de 6,19 hab/km².
Cheografía
Sant Per de Calanda ye situato a 258 metros d'altaria dencima de lo libel de la mar, a una distancia de 164 km de Teruel, la capital de la suya provincia, a 78 km de Zaragoza, la capital d'Aragón, y a 2 km de la linia ferria Madrit-Barcelona.
Situata en la marguin dreita de lo río Martín, sobre lo Monte de San Pedro, comprende la entidat poblacional Estación de Samper.
La suya temperatura meya anyal ye 14.5°C y la precipitación anyal de 370 mm.
Mugas
| La Puebla d'Íxar, Exatiel | Casterló | Escatrón |
|
Alcanyiz | |
| Íxar |
Historia
En lo testamento d'Alifonso II lo Casto, de 1194, bi ha una clausula de donación de Sant Per de Calanda a la Orden de lo Hespital. Dende alavez dica lo sieglo XIX, la comanda de Sant Per, que incluyiba Exatiel, lis perteneixerá. En la Edat Meya Sant Per yera un lugar con población de las tres relichions, (cristiana, musulmana y chodiga), a diferencia d'atros lugars de la redolata que podeban tener una población exclusivament musulmana. En 1392 lo Gran Mayestre Johan Ferrández d'Heredia compra totas las posesions que la casa de Sesé teneba en Sant Per:
Dimpués de la expulsión de los moriscos de 1609, en 1633 la Orden de lo Hespital atorgó Carta de Población con condicions pareixitas las de lo ducato d'Íxar.
Parla
La parla de Sant Per ye pareixita a la de los lugars de la redolata, con los mesmos aragonesismos chenerals de la Val de l'Ebro y a més con los aragonesismos tipicos conservatos en las comarcas orientals de Teruel y Zaragoza, (chirigallo, gralla, a sobén). Bi ha parabras como orache que no se documentan en totz los lugars de lo Baixo Martín pero sí en la cuenca de lo río Guadalop y aragonesismos curiosos y no documentatos encara en la redolata (desaugue, traste). Alejandro Abadía París atribuye a presencia de muitas parabras con lo diminutivo -eta a la cercanía con Alcanyiz, talment sin saber que este diminutivo yera cheneral en tot Aragón quan se charraba aragonés por tot, y que encara se fa servir en bells lugars de la cuenca de lo Guadalop a més d'Alcanyiz, (Casp, Torrociella d'Alcanyiz, Castelserás, etc...).
Toponimia
Lo toponimo Sant Per ye un hachiotoponimo en lo qual s'ha produeito un fenomeno de samprasarana u fonetica sintactica[1] dende Sant Pero.
La forma de Calanda no s'emplega en lo luengache popular. D'alcuerdo con Antonio Ubieto Arteta ye Samper dica 1787, Samper de Calanda dende 1797. Manimenos si que veyemos l'apelativo De Calanda en bell texto medieval en latín de la serie relacionata con la Carta Puebla d'Alcanyiz. Tamién ye posible veyer escrito en textos medievals Sant Pere, y no només en textos escritos en catalán, tamién en textos escritos en aragonés.
En La Puebla d'Íxar y Exatiel s'emplega encara un poquet lo chentilicio aragonés pa los de Sant Per, santperín en singular y santperines en plurals (se pronuncian samperín y samperines), coexistindo con samperino y samperinos.
Son toponimos interesants las partidas ditas Los Forcallos, El Saso, La Pila Plana, Val de Castellán, La Melgrangra, Las planas, Filada de Rica, Alamín, La Costanilla, Valimanya, Val de Figuera, Las Corcelladas, Val de Crabón y Filada de l'Estanquera, las balsas ditas balsete de Carabazuelas, Balsete del Sardón, y las fuents como Fuente de Valdellego.
Bi ha carreras con nombre aragonés: calle de las Sargantanas, calle Estrevedes y talment calle Altero.
Apellitos
Apellitos tipicos de Sant Per son Abadía, Bes, Falo, Fandos (variants derivatas de Fanlo), Orcal, Paris, Sevil.
Demografía
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
Reparto de concellers
| Partito | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | 5 | ||||||||
| Partido Popular | 1 | ||||||||
| Partido Aragonés | 1 | ||||||||
| Total | 7 | ||||||||
Alcaldes
| Lechislatura | Nombre | Partito politico |
|---|---|---|
| 1979–1983 | José Antonio Fandos Martín [2] | UCD |
| 1983–1987 | ||
| 1987–1991 | ||
| 1991–1995 | ||
| 1995–1999 | ||
| 1999–2003 | ||
| 2003–2007 | ||
| 2007–2011 | Alfonso Manuel Pérez Ornaque | Partido de los Socialistas de Aragón |
| 2011–2015 | Alfonso Manuel Pérez Ornaque | |
| 2015– | Alfonso Manuel Pérez Ornaque |
Presonalidatz naixitas de Sant Per de Calanda
Categoría principal: Naixitos de Sant Per de Calanda.
- Francisco Loscos Bernal, farmaceutico y botanico.
- La familia de la cantaire Carmen Paris ye orichinaria de Sant Per.
- Lo president de Colombia Ernesto Samper yera orichinario d'este lugar. Un antipasau d'éll cambeó lo suyo apellito por Samper pa fer homenache a lo suyo orichen.
Molimentos
- La Casa Mata u Mesón de la Parroquia de Sant Per de Calanda, de 1555, antiga propiedat de la Orden d'o Hespital.
- Tién edificios d'estilo renaixentista aragonés.
- Una ilesia de lo sieglo XVIII, la Iglesia d'o Salvador.
- Ermita de Santa Quiteria y calvario, en lo camín de la Estación, esta ermita ye relacionata con los monches agostins que i-estioron vivindo 200 anyatas. Los d'Íxar fan una romería ta Santa Quiteria una vegata a l'anyo.
Fiestas
Cusiosidatz
- A principios y meyatos de lo sieglo XX i heba muitos ferroviaires de Sant Per y se deciba que en totas las estacions entre Zaragoza y Reus i heba por lo menos un de Sant Per.
- D'alcuerdo con Alejandro Abadía Paris la famosa baturrada en la que un baturro li diz a lo tren Chufla, Chufla...Como no te apartes tú!! ye d'orichen santperín y reflecta lo tiempo quan lo ferrocarril arribó en Sant Per, en concreto la linia conoixita como Ferrocarril de la Val de Zafán.
Referencias
- ↑ Agustín Ventura Conejero "Toponimia de la provincia de Teruel". Revista Teruel, 48, 1972. pp235-244
- ↑ (es) Treinta aniversario de las primeras elecciones municipales de la democracia.
Bibliografía
- Alejandro Abadía París: Samper de Calanda, tradiciones y costumbres.
Veyer tamién
| Municipios d'a comarca Baixo Martín | |
|---|---|
| Albalat de l'Arcebispe | Binaceit | Casterló | Exatiel | Íxar | La Puebla d'Íxar | Sant Per de Calanda | Urreya de Gayén | Zaila |