Francis Field

Francis Field ye un estadio situato en a ciudat de Saint Louis en Missouri y construito en l'anyo 1903 ta os actos d'a Exposición Universal de Saint Louis 1904, tamién estió o puesto a on se facioron beluns d'os acontecimientos esportivos d'os Chuegos Olimpicos de Saint Louis 1904.

Mientres os Chuegos Olimpicos fue utilizato como estadio prencipal y estió a seu d'a cerimonia inagural y prebas de atletismo, ciclismo, soga tira, fútbol, chimnasia, halterofilia, lacrosse, luita, roque, tiro con arco y bell partito de tenis.

Dimpués d'os Chuegos y dica l'actualidat ye a seu a on chugan como local os Bears. En l'actualidat fa parti d'as instalacions esportivas d'a Universitat Washington de Saint Louis, y se fa competicions de atletismo, campo a traviés, fútbol americán y fútbol.

Prenió o suyo nombre por David Rowland Francis, alcalde de Saint Louis y governador d'o estato de Missouri en ixas envueltas. En primeras teneba un aforo de 19.000 presonas pero con as modificacions feitas en l'anyo 1984 baixoron l'aforo ta 4.000.

Dentrata de Francis Field en l'actualidat.

Referencias

Predecesor: Velodromo de Vincennes, París

Estadio Olimpico: Saint Louis 1904

Succesor: White City Stadium de Londres