Washington, DC

Iste articlo ye sobre una ciudat estatounitense capital d'o país; t'atros usos, se veiga Washington.

Washington, DC

Estau d'os Estaus Unius

[[Imachen:{{{mapa}}}|250px]] Mapa de situación en Estaus Unius

Washington, DC ye a ciudat capital d'os Estatos Unitos y ye por sí mesma o Districto de Columbia (D.C.). A suya población ye de 591.833 habitants (2008), con una densidat de población de 3.306,33 hab/km². Con una población de poco más de 4.700.000 habitants, a suya aria metropolitana ye a 10^ena más poblata en a nación.

En a ciudat se troban a Casa Blanca (residencia d'o President) y o Capitolio (seu d'o Congreso federal), y en as suyas proximidatz o Pentagono (seu d'o mando d'o exercito estatounitense). Amás d'estar a seu d'o gubierno, tamién ye un punto toristico important, con molimentos como os memorials a os ex-presidents Lincoln, Jefferson y Washington, y o molimento a os cayitos en Vietnam.

Prochectata por l'arquitecto francés Pierre L'Enfant, en zaguerías d'o sieglo XVIII, estió a primera ciudat especialment creyata como centro de gubierno. A ciudat de Washington, situata en o Districto de Columbia, a o canto d'o río Potomac entre os estatos de Virchinia y Maryland, ye a capital d'una unión federal de 50 estatos. Quan Estatos Unitos declaró a suya independencia d'o Reino Unito, o 4 de chulio de 1776 (agora celebrato como fiesta nacional), existiban 13 estatos, cadagún d'ells soberán, cadagún deseyoso de controlar os suyos propios afers. Os estatos tractoron de conservar a suya soberanía y independencia aintro d'una confederación flexible, pero o suyo intento contrimostró estar ineficaz de tot. En 1789 adoptoron una nueva constitución que establiba una unión federal subordinata a un cerenyo gubierno central. En conseqüencia, decidioron de fundar una nueva ciudat que no tenese garra vinclo con garra atro d'os estatos que feban parte d'os Estatos Unitos, fundación que se debantó o 16 de chulio de 1790 y recibió o suyo nombre en a honor d'o president George Washington.

Historia

O Distrito de Columbia, establito o 16 de chulio de 1790, ye un distrito federal, como especifica a Constitución d'os Estatos Unitos. O Congreso d'os Estatos Unitos tién a maxima autoridat sobre o Distrito de Columbia, encara que n'haiga delegato a suya autoridat, de manera considerable, en mans d'o gubierno municipal d'a ciudat. A zona en a quala se troba situato o distrito orichinal la cedioron alazetalment o estato de Maryland y a Mancomunidat de Virchinia. Sindembargo, l'aria que se troba a o sud d'o riu Potomac (alto u baixo 100 km²) tornó enta Virchinia en 1847 y agora fa parte d'o condato d'Arlington y a ciudat d'Alexandria. En conseqüencia, dende 1847, a resta d'a superficie que conforma o territorio que agora ye dito Districto de Columbia perteneixeba d'antis más a o estato de Maryland.

Localidatz achirmanatas

• Accra (Ghana).
• Atenas (Grecia).
• Bangkok (Tailandia).
• Brazzaville (Republica d'o Congo).
• Bruselas (Belchica).
• Dakar (Senegal).
• París (Francia).
• Pequín (China).
• Seúl (Coreya d'o Sud).
• Sunderland (Reino Unito).
• Tshwane (Sudafrica).

Referencias

• (en) Departamento d'Estato d'os Estatos Unitos.

Vinclos externos

• Se veigan as imáchens de Commons sobre Washington, DC.
• (en) Districto de Columbia