Plou

Plantilla:Municipio Aragón Plou ye un municipio aragonés de la provincia de Teruel, situato en la comarca de las Cuencas Meneras. Fa parte de lo partito chudicial de Calamocha.

La suya población ye de 45 habitants (2011) en una superficie de 17,21 km², con una densidat de población de 2,61 hab/km².

Cheografía

Ye situato en una plana sobre sedimentos terciarios d'una cuenca marguinal de lo Sistema Iberico, a 903 metros d'altaria sobre lo libel de la mar y a una distancia de 104 km de la ciudat de Teruel, la capital de la suya provincia.

Mugas

Lo suyo termin municipal muga con Cortz d'Aragón, Maicas, Uesa, Blesa y Muniesa.

Historia

En 1489 perteneixeba a la Sobrecollida de Mont Albán, pero en lo fogache de 1495 figura como una localidat de la Sobrecullida de Daroca.

Toponimia

Yera Plob en las primicias de 1279-1280, en lo Libro del Reparo del General de 1489-1491 y en lo fogache de 1495 s'escribe Plop. Lo nombre orichinal pareixe mozarabe y tener relación con lo latín POPULUS, igual que Lo Pobo (sin de sufixo latín -ULUS), Pobeda, Pobedola, Polop, Polopos, ecetra... y l'apellito Polop. N'este caso i habría metatesi. Lo pareixito con lo bretón plou u con lo catalán plou ("pleve"), ye homonimia.

POPULUS > poplo > plopo > plobo > plob.

Bi ha bell microtoponimo en aragonés como Cabezo de las Torrazas, con un chacimiento arqueolochico.

En textos medievals de lo sieglo XV trobamos una mayoría de microtoponimos en aragonés en una ampla lista: La Atalaya, La Balsa, El Bustal de Blasquiello, Barranquo Rouo, Cabezo Pero Baquero, Carrera Huesa, Carrera Muniesa, Carrera la Foz, Carrera Montalban, Carrera Cortes, Carrera Blesa, Carrera Jossa, Carrera Maycas, Canyada el Frayre, La Canyada del Carrascal de Huesa, Cuesta el Prado, El Canyo, Campo del Frayre, Campo Domingo Ximeno, La Cerradiella, Las Cabanyas, El Collado, El Collado carrera Muniesa, La Crabera, El Colladiellyo de Johan de Arcayne, Cubeto Pedro Robert, Carrera el Molino, La Filada del Concello, Las Juncadas, Las Fajuelas, Foia de Almuelas, La Foia los Corrales, Foia Donya Alda, Foia del Mas, Los Formigallos, El Fozniellyo, Plano de la Foz en las Fontaniellas, Filada el Canyo, Las Fontanillas, Fuent el Curto, Fuent de Alborche, El Cerrado de los Huertos, El Lavallo, La Loma, Loma el Canyo, Loma de la Huest, La Lomiella Marta de Cortes, Los Manaderos, Mas del Señor, El Palomar, El Pago, La Penyella Negra, Plano de la Foz en Penya Foradada, El Plano, La Plana, El Pueyo, Plano de la Foz, Las Paradas, El Pedazuelo, El Pueyo y caga el Pueyo de Plou, Penya el Çancado, Royal, Plano de Foz Ruvio, El Prado, La Penya Negra, Puy Bellido, Quinyones de Mosén Pellicero, Los Romerales, Las Recturas, El Regallo, Los Ribazos, Ronda Millanos, Las Suertes, Salcediello del Val, El Salmoral, El Salmorrón, La Torraza, La Tellería, La Talaya, La Talayuela, Val de Jurado, Vega del Salmoral, Val de Montanya, Val Calliada, Val de Pero Lop en carrera Maycas, Val de Puado, Val de Sobranía, Val Salada, Val de Castellot, Val de Mari Monfort, Val de Payano, Val Talada, Val de la Cruz, Val de Calvo, Val de Plou, La Vega.

Demografía

Evolución demografica

1992 1994 1996 1997 1998 1999 2000 2001 2002 - - 54 - 52 51 47 45 51

2003 2004 2005 2006 2007 2008 2009 2010 2011 48 49 55 58 53 50 47 43 45

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Compromiso con Aragón									2
Partido Aragonés									1
Total									3

Administración

Ayuntamiento

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Fernando Repollés Rodrigo	Compromiso con Aragón

Santa Cruz

Fiestas

• 15 - 16 d'agosto, Sant Roque.

Vinclos externos

• www.PlouTeruel.com.