Madrit

Madrit (en castellán Madrid) ye una villa espanyola, Capital d'o estato. Madrit ye amás d'a capital d'o estato, a capital d'a suya provincia y d'a Comunidat Autonoma de Madrit.

Historia

O suyo orichen ye en un enclau musulmán (Magerit), conquerito por Alifonso VI de Castiella en 1083. La villa fue esleita como capital d'Espanya por Felipe II, reemplazando a Toledo. En 1601, y dica 1606, a capitalidat pasó temporalment a Valladolit. Dende allora, Madrit ha estato perén a capital d'Espanya.

Toponimia

No bi ha garra documento que permita saper que nombre tenió l'aldeya de tiempos d'os visigodos que s'establió arredol de l' arroyo de San Pedro. A evolución posterior d'o toponimo permite afirmar que esta aldeya se clamó Matrich, evolución d'o latín Matrice, referindo-se a lo manantial y cauz prencipal d'augua. Atros toponimos relacionatos con esta radiz son Val Madriz en a provincia de Zaragoza y Madriz en A Riocha, pero en estos casos con a evolución d'as CE, CI d'alcuerdo con la fonetica aragonesa, que van mes luent d'a palatalización en /che/, /chi/ y esdevienen /ze/, /zi/.

Quan los musulmans conquerioron la Meseta lo nombre Matrich s'arabizó en a suya fonetica como Magrit/Mayrit car en arabe no existe a seqüencia /trg/ y se troba més a sobén /jrd/. En lo periodo ansalusí ye documentato a sobén lo chentilicio al-Mayriti, y s'aplicó por eixemplo a lo erudito y poligrafo hispanoarabe Maslamah ben Ahmad al-Mayriti, naixito de Madrit en o sieglo X. Ye arabizato y no en mozarabe orichinal como se troboron los castellans o toponimo quan conquerioron a cuenca d'o río Tacho.

A primer variacion Maydrit/Maidrit se troba en o documento fundacional de Vicus Sancti Martini de 1126. En 1176 ya se documenta Madrit, y la forma definitiva en castellán ya ye present en o mesmo Fuero viello de Madrit de 1202. Dende ixe inte y mientres quasi tres sieglos coexistirán as variants Madrit/Madrid. En o zaguer quarto d'o sieglo XV ya s'imposa a variant grafica Madrid, pero como ye sabito en castellán d'a Meseta Norte se prenuncia Madriz que encara que siga a evolución de Matriche seguntes a fonetica castellana, s'ha orichinato por a prenunciación como /z/ d'a /d/ final en castellán.

En aragonés se leye Madrit en bell texto medieval provinient d'a redolada de Daroca y encara se mantién esta pronunciación en aragonés ribagorzán, como veyemos en bell texto dialectal:

y frotand-se de gusto las mans se diba pa él solo: e Graus, e Madrit, e Barselona, e Sevilla, e Toledo.

Población

Evolución 1897 - 2004
Anyada	Total municipio	Total provincia	Porcentache (%)
1897	542.739	730.807	74,27
1900	575.675	773.011	74,47
1910	614.322	831.254	73,90
1920	823.711	1.048.908	78,53
1930	1.041.767	1.290.445	80,73
1940	1.322.835	1.574.134	84,04
1950	1.553.338	1.823.418	85,19
1960	2.177.123	2.510.217	86,73
1965	2.793.510	3.278.068	85,22
1970	3.120.941	3.761.348	82,97
1975	3.228.057	4.319.904	74,73
1981	3.158.818	4.686.895	67,40
1986	3.058.812	4.780.572	63,98
1991	3.010.492	4.647.555	64,78
1996	2.866.850	5.022.289	57,08
2001	2.938.723	5.423.384	54,19
2003	3.092.759	5.718.942	54,08

Administración

División administrativa

Distritos de Madrit

Madrit ye dividiu administrativament en ventiún distritos, que a la suya vegada se subdividen en vicos:

1. Centro: Palacio, Embajadores, Cortes, Justicia, Universidad, Sol.
2. Arganzuela: Imperial, Acacias, Chopera, Legazpi, Delicias, Moguer, Atocha.
3. Retiro: Pacifico, Adelfas, La Estrella, Ibiza, Los Jerónimos, Niño Chesús.
4. Salamanca: Recoletos, Goya, Fuente del Berro, Guindalera, Lista, Castellana.
5. Chamartín: El Viso, Prosperidad, Ciudad Jardín, Hispanoamérica, Nueva Espanya, Castiella.
6. Tetuán: Bellas Vistas, Quatro Caminos, Castillejos, Almenara, Valdeacederas, Berruguete.
7. Chamberí: Gaztambide, Arapiles, Trafalgar, Almagro, Vellehermoso, Ríos Rosas.
8. Fuencarral: El Pardo, Fuentelarreina, Peñagrande, Barrio del Pilar, La Paz, Valverde, Mirasierra, El Goloso.
9. Moncloa: Casa de Campo, Argüelles, Ciudad Universitaria, Valdezarza, Valdemarín, El Plantío, Aravaca.
10. Latina: Los Cármenes, Puerta del Angel, Lucero, Aluche, Las Águilas, Campamento, Quatro Vientos.
11. Carabanchel: Comillas, Opañel, San Isidro, Vista Alegre, Puerta Bonita, Buenavista, Abrantes.
12. Usera: Orcasitas, Orcasur, San Fermín, Almendrales, Moscardó, Zofio, Pradolongo.
13. Puente de Vallecas: Entrevías, San Diego, Palomeras Bajas, Palomeras Sudeste, Portazgo, Numancia.
14. Moratalaz: Pavones, Horcajo, Marroquina, Media Legua, Fontarrón, Vinateros.
15. Ciudad Lineal: Ventas, Pueblo Nuevo, Quintana, La Concepción, San Pascual, San Juan Bautista, Colina, Atalaya, Costillares.
16. Hortaleza: Palomas, Valdefuentes, Canillas, Pinar del Rey, Apostol Santiago, Piovera.
17. Villaverde: San Andrés, San Cristobal, Butarque, Los Rosales, Los Ángeles, el Espinillo, Marconi
18. Villa de Vallecas: Casco Histórico de Vallecas, Santa Eugenia
19. Vicálvaro: Casco Histórico de Vicálvaro, Ambroz
20. San Blas: Simancas, Hellín, Amposta, Arcos, Rosas, Rejas, Canillejas, Salvador
21. Barajas: Alameda de Osuna, Aeropuerto, Casco Histórico de Barajas, Timón, Corralejos

Reparto de concellers

Eleccions municipals
Partito	1979	1983	1987	1991	1995	1999	2003	2007	2011	2015
Partido Popular	-	23	20	30	30	28	30	34	31	21
Ahora Madrid	-	-	-	-	-	-	-	-	-	20
Partido Socialista Obrero Español	25	30	24	21	16	20	21	18	15	9
Ciudadanos	-	-	-	-	-	-	-	-	-	7
Partido Comunista de España / Izquierda Unida	9	4	3	6	9	5	4	5	6	0
Unión Progreso y Democracia	-	-	-	-	-	-	-	-	5	0
Centro Democrático y Social	-	0	8	0	-	0	0	0	-	-
Unión de Centro Democrático	25	-	-	-	-	-	-	-	-	-
Total	59	57	55	57	55	53	55	57	57	57

Alcaldes

Lista d'alcaldes

Lechislatura	Nombre	Partito politico
1979–1983	Enrique Tierno Galván	Partido Socialista Obrero Español
1983–1986	Enrique Tierno Galván	Partido Socialista Obrero Español
1986–1987	Enrique Tierno Galván	Partido Socialista Obrero Español
1987–1989	Juan Barranco Gallardo	Partido Socialista Obrero Español
1989–1991	Agustín Rodríguez Sahagún	Centro Democrático y Social
1991–1995	José María Álvarez del Manzano y López del Hierro	Partido Popular
1995–1999	José María Álvarez del Manzano y López del Hierro	Partido Popular
1999–2003	José María Álvarez del Manzano y López del Hierro	Partido Popular
2003–2007	Alberto Ruiz-Gallardón Jiménez	Partido Popular
2007–2011	Alberto Ruiz-Gallardón Jiménez	Partido Popular
2011–2011	Alberto Ruiz-Gallardón Jiménez	Partido Popular
2011–2015	Ana Botella	Partido Popular
2015-	Manuela Carmena	Ahora Madrid

Puestos d'intrés toristico

O Museu del Prado

A Plaza d'Espanya con a Torre de Madrid y o Edificio Espanya al fundo

Palacio de Comunicacions.

Beluns d'os puestos toristicos mas importans son:

• O Museu del Prado.
• O Museu Thyssen-Bornemisza.
• O Museu Reina Sofía (an se troba a obra Guernica de Pablo Picasso).
• O Museu Arqueolochico Nacional.
• O Palacio Reyal.
• A Plaza de Oriente.
• O Templo de Debod.
• O Monesterio d'as Escalzas Reyals.
• O Monesterio d'a Encarnazión
• A Puerta del Sol.
• A Seu de l'Almudena.
• O Palacio de Veire d'a Arganzuela.
• O Parque d'o Retiro.
• O vico de Chueca, con una important presencia gay.
• El rastro.
• Belún d'os suyos muitos tablaus flamencos.

Dentro d'o patrimonio molimental se pueden alufrar, entre atros:

• A fuent de Cibeles.
• A fuent de Neptuno.
• A Puerta d'Alcalá.
• A Puerta de Toledo.

O sieglo XX trayó tamién a construcción d'un zarpato d'edificios singulars (muitos d'els en o districto financiero de AZCA) como:

• Torrespaña.
• Torres Blancas.
• Torre Picasso.
• As torres Puerta d'Europa.
• A Torre Windsor (cremata).
• A Torre d'o Banco de Bilbao.

En a comarca de Madrit se troban o palacio y monesterio d'o Escorial, os palacios d'Aranjuez Aranjuez y o centro historico d'Alcalá de Henares.

Antimás de por los suyos puestos d'intrés historico, toda la ciudat ofrexe infinidat de posibilidatz comercials. Sindembargo, existen zonas d'especial concentración comercial como son as carreras Preciados/Carmen y Serrano/Goya con botigas d'as más importants marcas de moda (Zara,Cortefiel...) u grans magazens (El Corte Inglés).

Fiestas locals

• 15 de mayo, Fiestas de Sant Isidro Labrador. Patrón de Madrit.
• 9 de noviembre, Fiestas d'a Virchen d'a Almudena. Patrona de Madrit.

Localidatz achirmanatas

• 1975: Buenos Aires (Archentina).
• 1988: Berlín (Alemanya).

Vinclos externos

• Se veigan as imáchens de Commons sobre Madrit.
• Concello de Madrit.
• Candidatura Olimpica Madrit 2012.
• Plataforma contra las Olimpiadas.
• Torismo, Ocio y Cultura en Madrit.