Galacho de Chuslivol

Plantilla:Infobox espazio natural O Galacho de Chuslivol ye un espacio natural aragonés situato en o vico rural de Chuslivol (Zaragoza), en a marguin cucha de l'Ebro.

O nuclio d'o espacio ye o galacho u meandro albandonato de l'Ebro que se formó o 2 de chinero de 1961, a causa d'a mayor riada de l'Ebro en o sieglo XX (4.130 m³/s de caudal: 16 vegatas a valura meya). Por ixo ye dica l'inte o zaguer galacho de l'Ebro.

O galacho ye compreso entre l'actual curso de l'Ebro y un cillo de cheso. Dende o punto de vista d'a cheodinamica externa bi ha un esliz fosilizato que estió activo quan o meandro esgarrapaba a parte inferior d'o cillo, deixando d'estar activo quan o meandro quedó albandonato.

Destaca a vechetación de ribera, con selvas d'alamos, chopos, fraixinos, urmo y amplos carrizals.

Dimpués d'a formación d'o galacho i habió actividat humana con graveras, escarbando grans cavidatz, que esdevinioron lacunas artificials.

Tanto o nivel d'as lacunas como o nivel d'o galacho pende d'o nivel d'augua de l'Ebro, porque bi ha un aqüifero ocupando tot ixe material aluvial poroso. En epocas de grans creixitas, l'augua de l'Ebro plega a dentrar dreitament en o galacho.

A evolución natural d'un galacho ye a colmatación, plenando-se con l'aporte de sedimentos aluvials lutiticos y colonización d'a vechetación de ribera.

Se veiga tamién

• Barranco de Los Leiteros.

Vinclos externos

• Se veigan as imáchens de Commons sobre o Galacho de Chuslivol.