Cirat

Cirat ye un municipio de la provincia de Castellón, situau en la comarca de l'Alto Millars. La suya población ye de 233 habitants (2015), en una superficie de 41,1 km² con una densidat de población de 5,47 hab/km².

Toponimia

Lo toponimo Cirat s'interpreta a partir de l'arabe assiraṭ, devez una parola amprada de l'arameu isṭrāṭā, que ye d'adaptación de lo latín STRATA ("vía", "camín"). La parola arabe assirat fue amprada en castellán como acirate con los significaus de "caballón" y "loma" que se fa en la marguin d'una propiedat, significaus que podrían corresponder a los que reflectó este toponimo en los tiempos de la suya aparición.

En contradicción con esta interpretación tendríanos lo feito que s'escriba Cirab en lo segundo Fuero de Daroca (1142), manimenos en fuents locals baixo-medievals s'escribe Cirat, Cyrat u Sirat, como quan en 1236 lo gobernador almuade Zeit Abu Zeit donó las ilesias de l'Alto Millars a lo bispe de Segorb.

per nos et nostros tenemus, videlicet Arenoso, Montan, Castielmontan, Sirat, Tormo, Fuentes, Villahaleva, Villamalur, Bordelos, Arcos, Xoda, Buey Negro, Villamalea.

Historia

Casa de la villa de Cirat.

L'aparición de Cirat en lo Fuero de Daroca como una de las mugas de lo suyo termin quan encara no yera controlau por esta ciudat teneba como motivo animar a que los suyos habitants prebasen de reconquerir-lo. Manimenos, la Comunidat de Daroca nunca no lo controló. Dimpués de la suya reconquiesta quedó adintro de lo Reino de Valencia y estió una localidat exclusivament musulmana en la baixa Edat Meya.